У Дзяніса Працэнкі, галоўнага лекара шпіталя ў Камунарцы (Новая Масква), у якую шпіталізуюць заражаных каранавірусам, дыягнаставалі каранавірусную інфэкцыю. Пра гэта паведамляюць тэлеканал «Россия 24» і расейскія інфармацыйныя агенцтвы.
Працэнка атрымаў вядомасьць, апроч іншага, дзякуючы штодзённым зводкам пра паступленьні ў шпіталь пацыентаў, з якіх вынікала паступовае павелічэньне патоку шпіталізаваных з «пазашпітальнай пнэўманіяй» з пачатку сакавіка. У шэрагу пацыентаў пасьля пацьвердзіўся дыягназ COVID-19. Згодна са зводкай, апублікаванай Працэнкам раніцай у аўторак, у шпіталі было 202 хворыя з дыягназам пнэўманія, зь іх 186 з COVID.
На мінулым тыдні — 24 сакавіка — шпіталь у Камунарцы наведваў прэзыдэнт Расеі Уладзімір Пуцін, ён меў кантакт з Працэнкам.
ГЛЯДЗІЦЕ ТАКСАМА: Пуцін наведаў «каранавірусную» лякарню ў ярка-жоўтым ахоўным касьцюме. ФАТАФАКТКалі менавіта заразіўся галоўны лекар — незразумела. Прэс-сакратар Пуціна Дзьмітрый Пяскоў ужо пасьля паведамленьня пра інфікаваньне Працэнкі сказаў, што прэзыдэнта рэгулярна правяраюць на каранавірус і ў яго «усё нармальна», — паведамляе НТВ.
Раней Пяскоў казаў, што ўсіх, хто сустракаецца з Пуціным, загадзя правяраюць на вірус.
ГЛЯДЗІЦЕ ТАКСАМА: У Расеі 500 новых выпадкаў каранавірусу і 8 памерлых за суткіУ Расеі за апошнія суткі колькасьць інфікаваных павялічылася на 500 чалавек і перавысіла 2 тысячы. Гэта самы вялікі сутачны прырост. Рэгіёны, пачынаючы з Масквы, уводзяць жорсткія карантынныя меры.