Гатунак нафты WTI абваліўся ніжэй за 20 даляраў за барэль упершыню за 18 гадоў

На біржы ў Лёндане цана ф’ючэрса на нафту аднаго з гатункаў апусьцілася ніжэй за 20 даляраў за барэль. Гэта здарылася ўпершыню ад 2002 году.

30 сакавіка цана на нафту маркі WTI патаньнела на 8,5% і склала 19,48 даляра за барэль.

Кошт ф’ючэрса на марку Brent з пастаўкай у чэрвені на адкрыцьці таргоў на біржы ICE упаў на 7,92%, да 23,01 даляра за барэль.

ГЛЯДЗІЦЕ ТАКСАМА: На рынку ЗША зафіксавалі адмоўныя цэны на нафту

Нафтавыя цэны падаюць на фоне навінаў аб росьце ахвяраў каранавірусу і нявырашаных супярэчнасьцяў паміж краінамі – экспартэрамі нафты.