26 сакавіка «Беларусбанк» абвясьціў, што ягоныя кліенты ня змогуць перавесьці сродкі на валютныя карткі і зьняць валюту ў банкаматах з рублёвых картак.
Як пісала Свабода, прычыны абмежаваньняў не тлумачыліся, было толькі ўдакладненьне, што гэта тычыцца фізычных асобаў.
ГЛЯДЗІЦЕ ТАКСАМА: «Беларусбанк» забараніў пераводы на валютныя карты і выдачу валюты з рублёвых картакАднак анансаваныя захады так і не былі ўведзеныя. Як патлумачылі ва ўстанове, мера выклікала абурэньне з боку кліентаў, таму абмежаваньні скасавалі.
Ёсьць думка, што такім чынам кіраўніцтва найбуйнейшага дзяржаўнага банку намагалася зьбіць валютны ажыятаж, выкліканы рэзкім абвалам курсу рубля і, як вынік, дэфіцытам даляраў і эўра ў абменных пунктах і ў банкаматах.
Тым часам банк БелВЭБ 27 сакавіка прыпыніў папаўненне тэрміновых дэпазытаў фізычных асобаў у далярах, эўра і расейскіх рублях. Такім чынам, нельга будзе папоўніць такія ўклады гатоўкай у касах, абменных пунктах, а таксама ў банку. Прычыны такога кроку пакуль не камэнтуюцца.