Грушаўскі сквэр у Менску мусіць быць захаваны, лічыць старшыня Савету Рэспублікі Натальля Качанава.
Як нагадвае БелТА, Качанава таксама зьяўляецца ўпаўнаважанай прэзыдэнта ў Менску.
«Я паведаміла кіраўніку дзяржавы, як разьвіваецца сытуацыя, і ён прыняў рашэньне, што Грушаўскі сквэр павінен быць захаваны. Забудова і добраўпарадкаваньне будуць весьціся так, каб ён ні ў якім разе не пацярпеў», — расказала чыноўніца.
ГЛЯДЗІЦЕ ТАКСАМА: «Грушаўскі сквэр перажыў фашыстаў, а адміністрацыю Маскоўскага раёну ня можа»Стары Грушаўскі сквэр, якому прыкладна 100 гадоў, цяпер аточаны вышыннымі навабудамі, і кола працягвае сьціскацца. У 2017 годзе забудоўніку «Датч Стар» атрымаў дазвол на ўзьвядзеньне яшчэ дзьвюх сэкцый жылых комплексаў «Гранд Хаўс». Для гэтага адвялі тэрыторыю, дзе раней стаялі баракі, а таксама зялёную зону, якая прымыкае да сквэру. Мясцовыя жыхары выступілі супраць высяканьня дрэваў у месцы для адпачынку і прагулак.
Цяпер кропка ў гэтым канфлікце пастаўлена на самым высокім узроўні — Аляксандар Лукашэнка заняў бок грамадзянаў, падагульніла Натальля Качанава.
ГЛЯДЗІЦЕ ТАКСАМА: У Грушаўцы камунальнікі зьнялі з дрэваў шалікі, якія навязалі мясцовыя жыхары. Фота ГЛЯДЗІЦЕ ТАКСАМА: Абаронцы Грушаўскага сквэру ў Менску зьвярнуліся да Лукашэнкі. ВІДЭА