Суд у Растове-на-Доне арыштаваў на два месяцы расейскага вайскоўца, які падазраецца ў шпіянажы на карысьць Украіны.
Пра гэта паведамляе агенцтва РИА «Новости».
Пра затрыманьне неназванага вайскоўца Фэлэральная служба бясьпекі Расеі паведаміла напярэдадні. Паводле ведамства, афіцэр зьбіраў сакрэтныя зьвесткі аб расейскай арміі на загад міністэрства абароны Ўкраіны.
ГЛЯДЗІЦЕ ТАКСАМА: Вызвалены зь Беларусі «шпіён» Шаройка адмовіўся камэнтаваць сваю справу і зноў падзякаваў Зяленскаму і ЛукашэнкуІмя арыштаванага не раскрываецца. Аднак, як паведамляе расейская служба нашага радыё, па апублікаваным відэазапісы затрыманьня ў падазраваным можна апазнаць жыхара гораду Аксай Руслана Артыкава. 28-гадовы старшы лейтэнант служыць у 175-й Лунінецка-Пінскай брыгадзе кіраваньня Паўднёвай вайсковай акругі Расеі. Яго імя таксама назвала напярэдадні выданьне «Адкрытыя мэдыя».
ГЛЯДЗІЦЕ ТАКСАМА: Украіна пачала адводзіць свае войскі на Данбасе — дзеля сустрэчы з Пуціным у нармандзкім фармаце