Джо Джонсан, родны брат прэм’ер-міністра Вялікай Брытаніі Борыса Джонсана, абвесьціў пра сваю адстаўку ў якасьці чальца парлямэнту і міністра вышэйшай адукацыі ва ўрадзе, паведамляе Reuters.
Паводле Джо Джонсана, сытуацыя з Брэксытам вымусіла яго прыняць гэтае рашэньне.
ГЛЯДЗІЦЕ ТАКСАМА: Унука Чэрчыля выключылі з кансэрватыўнай фракцыі брытанскага парлямэнтуГэта ня першы раз, калі брат Борыса Джонсана падае ў адстаўку з прычыны Брэксыту. У мінулым лістападзе ён пакінуў урад Тэрэзы Мэй. Погляд Джо Джонсана на Брэксыт супрацьлеглы таму, якога прытрымліваецца прэм’ер-міністар — Джо з самага пачатку быў за тое, каб Вялікая Брытанія засталася ў Эўразьвязе, тады як Барыс Джонсан хоча канчаткова вывесьці краіну з ЭЗ у канцы кастрычніка сёлета.
ГЛЯДЗІЦЕ ТАКСАМА: Джонсан: Брэксыт адбудзецца 31 кастрычніка, нягледзячы ні на што