Прэзыдэнт Літвы Гітанас Наўседа сказаў, што цяперашнія сродкі NATO зьяўляюцца недастатковымі для абароны балтыйскіх краін ад Расеі, паведамляе Delfi.
Пасьля сустрэчы з Генэральным сакратаром NATO Енсам Столтэнбергам 4 верасьня ў Брусэлі Наўседа адзначыў, што дысьлякаваны ў Літве ў 2017 годзе міжнародны батальён саюзьнікаў з NATO зьяўляецца добрым сродкам стрымліваньня Расеі, аднак гэтага не дастаткова, каб абараніцца ад магчымага нападу Масквы.
«Мы дасягнулі высокага ўзроўню стрымліваньня, але ў абароннай сфэры нам варта зрабіць значна больш, — сказаў журналістам Гітанас Наўседа на сумесным брыфінгу пра вынікі сустрэчы ў штаб-кватэры NATO. — Мы вельмі рады прымаць батальён сілаў перадавога базаваньня NATO ў Літве, аднак гэтага не дастаткова».
ГЛЯДЗІЦЕ ТАКСАМА: У «Весбарыі» і «Лубеніі» пачаліся манэўры NATOПаводле Наўседы, пагрозу бясьпецы Літвы ўяўляе вялікая канцэнтрацыя расейскіх вайскоўцаў у Калінінградзкай вобласьці.
ГЛЯДЗІЦЕ ТАКСАМА: Генэральны сакратар NATO і прэзыдэнт Літвы жадаюць дыялёгу з БеларусьсюНа згаданым брыфінгу Наўседа і Столтэнбэрг выказалі таксама жаданьне праводзіць дыялёг зь Беларусьсю.