Прэзыдэнт Украіны Ўладзімір Зяленскі адмяніў вайсковы парад у Дзень незалежнасьці 24 жніўня. Зэканомленыя сродкі будуць выдавацца вайскоўцам у выглядзе ўзнагарод.
Пра гэта ўкраінскі лідэр паведаміў у відэазвароце ў Facebook.
«Звычайна вайсковы парад адбываецца 24 жніўня. Такі пышны і, безумоўна, нятанны. Гэтыя грошы лепш даць нашым героям, і мы вырашылі выдаткаваць 300 мільёнаў грыўняў (у эквіваленце прыкладна 24 мільёны рублёў — РС) на прэміі ўсім нашым вайскоўцам», — сказаў Зеленскі.
ГЛЯДЗІЦЕ ТАКСАМА: Колькі вайсковай тэхнікі было на парадах на Дзень незалежнасьці. АДНОЙ КАРЦІНКАЙ«Гэта салдаты тэрміновай службы, гэта кадэты, сяржанты, афіцэры — усе. І, вядома ж, вайскоўцы, якія праводзяць апэрацыю ў зоне аб’яднаных сіл», — растлумачыў украінскі прэзыдэнт.
У той жа час Зяленскі паабяцаў, што сьвяткаваньне Дня незалежнасьці ўсё роўна будзе, але ў «новым фармаце».