Кароль Тайлянду Маха Ўачыралонгкон (Рама X) ажаніўся з намесьніцай кіраўніка сваёй аховы, генэралам Сутхідай Тычай. Яна стала каралевай Тайлянду з тронным імем каралева Сутхіда.
Пра вясельле караля было абвешчана ў каралеўскай газэце Тайлянду, паведамляе агенцтва Reuters. Фрагмэнт вясельнай цырымоніі быў паказаны позна ўначы ў фрагмэнце каралеўскіх навін, якія трансьлююцца на ўсіх тэлеканалах.
ГЛЯДЗІЦЕ ТАКСАМА: Чаму брытанская манархія дэмакратызуецца, а беларуская ўлада манархізуеццаБылая стуардэса Тайскіх авіяліній Сутхіда Тычай была прызначаная ў ахову прынца Махі ў 2014 годзе. Праз два гады яна атрымала званьне генэрала, праз год стала намесьніцай кіраўніка асабістай аховы караля.
Каралеўскае вясельле адбылося незадоўга да каранацыі Махі Ўачыралонгкона. Яна прызначаная на 4-6 траўня.