Рэчыцкі райвыканкам адказаў на пэтыцыю супраць перайменаваньня вуліцы і завулка паэта Адама Міцкевіча ў гонар чэкіста Яўгена Міцкевіча.
Што адбылося?
Адам Міцкевіч
Рэчыцкі раённы савет дэпутатаў 5 красавіка перайменаваў вуліцу і завулак, якія раней насілі імя славутага паэта Адама Міцкевіча, у вуліцу і завулак Яўгена Міцкевіча — савецкага вайсковага дзеяча.
Што адказалі ў райвыканкаме?
У Рэчыцкім раённым Савеце дэпутатаў патлумачылі, што была выпраўлена тэхнічная памылка, зробленая ў 1959 годзе. Аказваецца, у 1959 годзе ў Рэчыцы вуліцу Міцкевіча называлі ў гонар чэкіста, а не паэта, і цяпер выправілі гэтую «памылку». Пры гэтым ужываўся тапонім «вуліца Міцкевіча», а імя чалавека, у гонар якога назвалі вуліцу, не ўдакладнялася.
Падпісаў адказ на пэтыцыю намесьнік старшыні Рэчыцкага райвыканкаму Аляксандар Горбач.
ГЛЯДЗІЦЕ ТАКСАМА: За «дэкамунізацыю» назвы вуліцы Міцкевіча ў Рэчыцы пачалі зьбіраць подпісы