А 7:00 3 красавіка ўкраінскія ратавальнікі патушылі пажар, які ўзьнік днём 2 красавіка ў Чарнобыльскай зоне адчужэньня, паведамляе Дзяржаўная служба Ўкраіны па надзвычайных сытуацыях.
2 красавіка ў Чарнобыльскай зоне адбылося ўзгараньне травянога насьцілу на некалькіх гектарах плошчы.
«Паводле стану на 17:00 пажар 30 адселеных паўразбураных будынкаў і травянога насьцілу на плошчы 20 гектараў у зоне адчужэньня паблізу пасёлку Палескае лякалізаваны», — паведамілі ўкраінскія ратавальнікі 2 красавіка.
ГЛЯДЗІЦЕ ТАКСАМА: Ва ўкраінскай зоне адчужэньня здарыўся пажарНа тушэньне пажару выяжджалі каля сотні ратавальнікаў і больш за 20 адзінак тэхнікі, у тым ліку самалёт і верталёт.
Пажары ў Чарнобыльскай зоне адчужэньня адбываюцца пэрыядычна — у асноўным гарыць сухая трава. Апошнія маштабныя пажары былі там улетку мінулага году, калі агнём ахапіла некалькі гектараў лесу.