Камісія па правах чалавека гораду Нью-Ёрк распрацавала пастанову, якое забараняе дыскрымінаваць, звальняць ці не дапускаць у нейкія грамадзкія месцы людзей у сувязі з іх прычоскай або колерам валасоў, паведамляе The New York Times. Афіцыйна дакумэнт пакуль не прыняты, але калі гэта адбудзецца, дыскрымінацыю на аснове прычоскі або колеру валасоў прыраўнаюць да расавай дыскрымінацыі і будуць караць адпаведным чынам.
«Кожны чалавек мае права мець валасы натуральнага колеру або фарбаваць іх, а таксама насіць валасы, коскі, хвалі, косы, "вузлы банту", афракосы і / або мае права трымаць валасы ў нястрыжаным стане», — сказана ў дакумэнце.
ГЛЯДЗІЦЕ ТАКСАМА: Начосы, якія падзялілі беларусаўНовы закон у прыватнасьці прадугледжвае, што кампаніі не будуць мець права патрабаваць ад супрацоўнікаў не фарбаваць валасы ў розныя колеры, не насіць «панкаўскія» іракезы ці не галіць галаву ўзорамі, а таксама забараняе звальняць, калі супрацоўнік зробіць такую прычоску. У выпадку ж, калі кампанія вырашыць звольніць супрацоўніка за яго прычоску, ёй пагражае штраф у памеры да 250 тысяч даляраў. Адзіны спосаб для кампаніі пазьбегнуць штрафу — даказаць, што прычоска работніка парушае правілы тэхнікі бясьпекі або зьяўляецца негігіенічнай.
ГЛЯДЗІЦЕ ТАКСАМА: Беларускі стыліст Сяргей Шаўцоў кансультуе салёны прыгажосьці ў Дубаі