На сайце Міністэрства замежных спраў Беларусі паведамленьне пра сустрэчу кіраўніка ведамства Ўладзімера Макея з сваёй аўстрыйскай калегай Карын Кнайсьль 15 студзеня ілюстраванае некалькімі здымкамі.
На адным зь іх кідаецца ў вочы гэндэрная няроўнасьць сярод дыпляматаў дзьвюх краін, прадстаўленых на перамовах. Сярод пяці прадстаўнікоў Аўстрыі абсалютна ўсе — жанчыны. Сярод сямі беларускіх дыпляматаў жанчына толькі адна — амбасадарка ў Вене Алена Купчына.
Падобнае фота зь Менску публікуе і МЗС Аўстрыі ў сваім твітэры.
Heute traf AM @karin_kneissl in Minsk d belarussischen AM Vladimir Makei. Zentrale Themen d Gesprächs waren die guten bilateralen Beziehungen, d Annäherung des Landes an die EU iR der #Östlichen #Partnerschaft & mögl. #Moratorium als 1. Schritt zur Abschaffung d #Todesstrafe. pic.twitter.com/DyuYrcelTT
— MFA Austria (@MFA_Austria) 15 января 2019 г.
У твітэры Карын Кнайсьль піша: «Сёньня сустрэлася ў Менску зь беларускім міністрам замежных спраў Уладзімерам Макеем. Цэнтральнай тэмай перамоваў былі добрыя двухбаковыя стасункі, набліжэньне краіны да ЭЗ у рамках „Усходняга партнэрства“ і магчымасьць мараторыю як першага кроку да адмены сьмяротнай кары».
У Беларусі цяпер працуюць 7 замежных амбасадарак-жанчын, у тым ліку і аўстрыйка Алёйзія Вэргетэр. Сярод беларускіх амбасадараў у замежных краінах толькі адна жанчына — Алена Купчына, якая працуе ў Вене.
ГЛЯДЗІЦЕ ТАКСАМА: У Беларусі ўжо 7 замежных амбасадарак-жанчынНа аналягічнай сустрэчы кіраўніка МЗС Беларусі з дэлегацыяй МЗС Вугоршчыны лік жанчын з двух бакоў быў 1-1.
#Макей, #Сийярто в атмосфере открытого и конструктивного диалога обсудили широкий спектр вопросов сотрудничества #Беларусь-#Венгрия, #Беларусь-#ЕС, взаимодействие в рамках международных организаций https://t.co/pfMgVAgJD0 pic.twitter.com/1fH6tGuSUj
— МИД Беларуси 🇧🇾 (@BelarusMID) 14 января 2019 г.