На цырымоніі ўручэньня прэміі «За духоўнае адраджэньне» у Палацы Рэспублікі Аляксандар Лукашэнка частку прамовы прачытаў па-беларуску.
У эфіры першага каналу БТ быў паказаны фрагмэнт прамовы. Пасьля Лукашэнка працягнуў выступ па-расейску. Беларускамоўны фрагмэнт заняў каля 2 хвілінаў. У роліку ён паказаны ня цалкам.
Лукашэнка рэдка выступае публічна на беларускай мове. Гэта адбываецца раз на пяць гадоў падчас прыняцьця прысягі прэзыдэнта. Некалькі разоў ён устаўляў беларускамоўныя фрагмэнты ў прамовы падчас іншых урачыстасьцяў, у прыватнасьці з нагоды Дня беларускай навукі. Беларускія словы кіраўнік краіны часта выкарыстоўвае зьедліва, калі кажа пра сваіх палітычных апанэнтаў.
ГЛЯДЗІЦЕ ТАКСАМА: Лукашэнка: сьвет губляе духоўныя арыенціры, а беларусы дбаюць пра духоўную чысьцінюНа канцэрце таксама выступіў малодшы сын кіраўніка дзяржавы Мікалай Лукашэнка. Разам са сваім выкладчыкам Аленай Асташкінай-Мысліўчык ён зайграў фантазію для двух фартэпіяна і голасу на тэмы песень з альбому «Куточак Беларусi» Яўгена Алейніка і Юліі Быкавай.