У першы тыдзень студзеня цана бэнзіну і дызэльнага паліва на АЗС Беларусі можа быць зьніжаная зыходзячы з цэны барэлю нафты, заявіў старшыня канцэрну «Белнафтахім» Андрэй Рыбакоў.
Паводле яго, зьніжэньне можа быць «парадку адной капейкі на дызэль і дзьвюх капеек на аўтабэнзіны».
У 2018 годзе большасьць відаў паліва ў Беларусі даражэла 27 разоў (апошні раз 16 сьнежня), што ў «Белнафтахіме» тлумачылі неабходнасьцю «кампэнсацыі выдаткаў НПЗ па набыцьці вуглевадароднай сыравіны».
ГЛЯДЗІЦЕ ТАКСАМА: Віцэ-прэм’ер Ляшэнка: паліва падаражэе на 5-7% у 2019 годзе20 сьнежня на супольным пасяджэньні абедзьвюх палат Нацыянальнага сходу віцэ-прэм’ер Ігар Ляшэнка заявіў, што правядзеньне ў Расеі падатковага манэўру можа прывесьці да падаражэньня аўтамабільнага паліва на ўнутраным рынку Беларусі на 5-7%. Віцэ-прэм’ер падкрэсьліў, што, паводле разьлікаў ураду, з прычыны падатковага манэўру можа адбыцца штогадовае падаражэньне нафты для Беларусі прыкладна на 21 даляр за тону з выхадам на сусьветныя цэны да 2024 году.
ГЛЯДЗІЦЕ ТАКСАМА: 27-ы раз за год. У Беларусі зноў падаражэла аўтамабільнае паліва