Вядучую каналу «Навальный Live» Алену Малахоўскую паліцыя затрымала каля яе дому ў Маскве. Відэа затрыманьня Малахоўская апублікавала ў сваім твітэры.
За мной пришли, с утра караулили. Утром кто-то в домофон звонил и молчал. Уже тогда догадывалась. pic.twitter.com/XbUWqIFtI2
— Elen_Elen (@elmalakhovskaya) May 17, 2018
По словах юрыста Фонду барацьбы з карупцыяй Івана Жданава, журналістку затрымалі «за заклікі да несанкцыянаванай акцыі». Яна вяла 5 траўня наўпроставы эфір з акцыі пратэсту «Ён нам ня цар».
Сувязі зь ёй пакуль няма.
Задержали ведущую новостей и эфира акции 05.05 Елену Малаховскую у подъезда дома «за призывы к несанкционированной акции», а задерживать ее нельзя, так как у нее малолетний ребенок. Идиоты. Пока связи с ней нет.
— Ivan Zhdanov (@IoannZH) May 17, 2018
5 траўня паплечнікі Навальнага па ўсёй Расеі праводзілі масавыя акцыі пратэсту «Ён нам ня цар» супраць чацьвёртага прэзыдэнцкага тэрміну Ўладзіміра Пуціна.
Былі затрыманыя больш за 1600 чалавек, зь іх 711 — у Маскве. Большасьць зь іх абвінавацілі ў непадпарадкаваньні законным патрабаваньням супрацоўнікаў паліцыі. За гэта ім пагражае ад 15 да 30 сутак арышту або штрафы.
Самога апазыцыйнага палітыка 15 траўня суд арыштаваў на 15 і 30 сутак па абвінавачваньні ў непадпарадкаваньні законнаму распараджэньню паліцыі і за парушэньне ўсталяванага парадку арганізацыі альбо правядзеньні збораў і мітынгаў. Абодва тэрміны арышту будуць адлічвацца з аднаго і таго ж моманту, таму ўсяго палітык правядзе ў ізалятары часовага ўтрыманьня 30 сутак.