Прэзыдэнт ЗША выказаў выказаў задавальненьне тым, што баявая задача, пастаўленая перад узброенымі сіламі, выкананая, як ён заявіў, «цалкам».
Дональд Трамп наступным чынам пракамэнтаваў у твітэры вынікі начнога ўдару па Сырыі: «Выдатна выкананы начны ўдар. Дзякуй Францыі і Вялікабрытаніі за іх мудрасьць і сілу іх доблесных Войскаў. Лепшых вынікаў і быць не магло. Місія Выкананая!».
A perfectly executed strike last night. Thank you to France and the United Kingdom for their wisdom and the power of their fine Military. Could not have had a better result. Mission Accomplished!
— Donald J. Trump (@realDonaldTrump) April 14, 2018
So proud of our great Military which will soon be, after the spending of billions of fully approved dollars, the finest that our Country has ever had. There won’t be anything, or anyone, even close!
— Donald J. Trump (@realDonaldTrump) April 14, 2018
«Вельмі ганаруся нашым вялікім Войскам, якое хутка, пасьля таго, як будуць расходаваныя ўхваленыя мільярды даляраў, стане найлепшым з усіх, якія калі-небудзь былі ў нашай Краіне. Ніхто і нішто нават ня зможа нават наблізіцца!» — напісаў Трамп.
Прадстаўнік Пэнтагону заявіў, што ракетнымі ўдарамі былі зьнішчаныя ўсе заплянаваныя цэлі. Па словах генэрала, амэрыканскі бок ня мае зьвестак пра тое, што пацярпелі мірныя жыхары.
На прэс-канфэрэнцыі ў Міністэрстве абароны журналістам былі прадстаўлены слайды з падрабязнымі ілюстрацыямі аб дысьлякацыі амэрыканскіх і саюзьніцкіх сіл у Міжземным моры. У агульнай колькасьці, з ваенных караблёў ЗША, Вялікабрытаніі і Францыі а таксама двух амэрыканскіх бамбавікоў B1 па тром абраным сырыйскім цэлям былі выпушчаныя 105 ракет. Агульная сіла ўдараў, па словах прадстаўніка Пэнтагону, удвая пераўзыходзіла сілу ўдараў, нанесеных амэрыканскімі ўзброенымі сіламі ў мінулым годзе па сырыйскім ваенным аб’ектам.
Сілы ЗША, Вялікабрытаніі і Францыі ў ноч на суботу, 14 красавіка, нанесьлі ракетна-бомбавы ўдар па прадмесьцях Дамаску і Хомса — па аб’ектах, якія маюць дачыненьне да стварэньня і захоўваньня хімічнай зброі, паведамілі ў Пэнтагоне.
Расея назвала тое, што адбылося, актам агрэсіі і асудзіла атаку. Зь ініцыятывы Масквы 14 красавіка зьбярэцца на экстраннае пасяджэньне Рада бясьпекі ААН.