17 лютага беларуская біятляністка Дарʼя Домрачава фінішавала другой у алімпійскай гонцы з масавым стартам. Гэта першы мэдаль Домрачавай на Алімпіядзе ў Пхёнчхане і другая ўзнагарода зборнай Беларусі.
Перамогу атрымала біятляністка з Славакіі Анастасія Кузьміна. Бронза ў Тырыль Экгаф з Нарвэгіі. Яшчэ адна беларуска Надзея Скардзіна заняла 7-е месца.
Срэбраны мэдаль Дар'і Домрачавай. Як гэта было. ФОТА
Дагэтуль выступленьне трохразовай алімпійскай чэмпіёнкі Сочы-2014 Дарʼі Домрачавай у Пхёнчхане цяжка было назваць удалым. Яна фінішавала 9-й у біятлённым спрынце на 7.5 км і 27-й у індывідуальнай гонцы на 15 кілямэтраў.
Срэбраны мэдаль Дар'і Домрачавай. ФОТА
Гэта другі мэдаль Беларусі на Зімовых Алімпійскіх гульнях у Пхёнчхане. 16 лютага фрыстайлістка Ганна Гуськова здабыла золата. Яна паказала найлепшы вынік у трох фінальных спробах.