Пасьля праварадыкальных пратэстаў і шэсьця з паходнямі і нацысцкімі сьцягамі ў Шарлотсвілі 12 жніўня, у якіх пацярпелі 19 чалавек і быў забіты адзін, 44-ы прэзыдэнт ЗША Барак Абама апублікаваў у Twitter фота, на якім глядзіць на дзяцей розных колераў скуры.
"No one is born hating another person because of the color of his skin or his background or his religion..." pic.twitter.com/InZ58zkoAm
— Barack Obama (@BarackObama) 13 августа 2017 г.
«Ніхто не нараджаецца зь нянавісьцю да іншага чалавека праз колер скуры таго, ягоную гісторыю жыцьця ці рэлігію», — падпісаў Абама здымак.
Твіт перапосьцілі на момант публікацыі больш за 1,1 млн разоў, упадабалі 2,8 млн разоў. Twitter пацьвердзіў часопісу Time: гэты твіт стаў самым «залайканым» за ўсю гісторыю сэрвісу, а таксама пятым паводле рэтвітаў.
Праварадыкалаў раней асудзіў і цяперашні прэзыдэнт ЗША Дональд Трамп. У твітэры ён напісаў: «Мы УСЕ мусім быць паяднаныя і асудзіць усё, што нясе ў сабе нянавісьць. У Амэрыцы няма месца такога роду гвалту. Давайце выступім разам як адзін!». Гэты твіт упадабалі 190 тысяч разоў, рэтвітнулі 58 тысяч разоў.
We ALL must be united & condemn all that hate stands for. There is no place for this kind of violence in America. Lets come together as one!
— Donald J. Trump (@realDonaldTrump) 12 августа 2017 г.