У судзе Першамайскага раёну Менску адбудуцца працэсы за абарону ахоўнай зоны Курапатаў над актывістамі Раманам Пратасевічам, Настай Дашкевіч, Вольгай Мікалайчык, Леанідам Кулаковым і старшынём руху «За свабоду» Юрасём Губарэвічам. Судовы канвэер запрацуе зь 10 гадзінаў раніцы.
А 12-й гадзіне ў судзе Савецкага раёну мае адбыцца суд над актывістам «Маладога фронту» Раманам Васільевым. Яго маюць абвінаваціць ва ўдзеле ў адной з акцыяў у абарону Курапатаў, але за якую канкрэтна, ён пакуль ня ведае. Васільеў каля 10 сутак адбыў у менскім сьледчым ізалятары нумар 1, што на вуліцы Валадарскага, як падазраваны ў справе «Белага легіёну». Абвінавачаньне яму так і не было выстаўленае
На 10 красавіка заплянаваны суд над праваабаронцай Тацянай Равякай. Кіраўніцу «Дома правоў чалавека» прыцягваюць да адказнасьці ў судзе Цэнтральнага раёну за падзеі ў Дзень Волі 25 сакавіка. Тады ў офісе «Вясны» было затрымана каля 40 праваабаронцаў і журналістаў, якія зьбіраліся назіраць за акцыяй у гадавіну абвяшчэньня незалежнасьці БНР. Суд над Тацянай Равякай пачнецца а 10.30.
Лідэра Партыі БНФ аштрафавалі на 50 базавых велічынь за Курапаты
11.18 У судзе Першамайскага раёну Менску судзяць Вольгу Мікалайчык
Працэс вядзе судзьдзя Сідарок. Хадайніцтва з боку Вольгі Мікалайчык — весьці працэс на беларускай мове. Судзьдзя адмовіла на падставе «дзьвюхмоўя». Спрэчка наконт здымкаў: чаму памочніку судзьдзі можна весьці відэаздымкі, а ўдзельнікам — нельга?
Вольга Мікалайчык
Мікалайчык абвінавачваецца ва ўдзеле ў несанкцыянаваным мерапрыемстве 24 лютага: пад бел-чырвона-белым сьцягам выступала супраць будаўніцтва бізнэс-цэнтру на вуліцы Мірашнічэнкі.
Вольга кажа, што шмат разоў наведвалася ў Курапаты, але менавіта ў той дзень яе там не было.
11.48 Мікалайчык была «голасам» пратэсту, — сьведка
У справе Вольгі Мікалайчык сьведка Анатоль Чайка, абліцоўшчык «Белрэканструкцыі»:
«Актывісты ўчынялі перашкоды, абражалі будаўнікоў. Мікалайчык была „голасам“ пратэсту — выкрыквала лёзунгі, пагражала».
Вольга Мікалайчык
Вольга Мікалайчык сьцьвярджае, што ўпершыню бачыць сьведку.
Сьведка з боку Мікалайчык — літаратар Анатоль Кудласевіч:
«Вольга — гаспадыня Курапатаў. Яна гатавала блінчыкі, рабіла гарбату. 24-га адпачывала пасьля ночы. У Курапатах яе не было».
230 рублёў штрафу за фота на мітынгу з Рымашэўскім
Праваабаронцу Тацяну Равяку будуць судзіць за «мацюкі»
11.50 У Першамайскім раённым судзе судзяць Рамана Пратасевіча
Раман Пратасевіч (у цэнтры)
Пачынаецца працэс над моладзевым актывістам Раманам Пратасевічам — таксама за Курапаты.
11.56 Суд над зьняволеным Кулаковым перанесены
Леанід Кулакоў
Працэс за абарону Курапатаў над Леанідам Кулаковым, які адбывае адміністрацыйны арышт тэрмінам 25 сутак за Дзень Волі, перанесены на 21 красавіка і адбудзецца пасьля яго вызваленьня.
Ніну Багінскую аштрафавалі за пікет ля КДБ на 1050 рублёў
Аштрафавалі Насту Дашкевіч
Наста Дашкевіч
Наста Дашкевіч прыйшла сёньня ў суд Першамайскага раёну Менску і са зьдзіўленьнем даведалася, што суд адбыўся безь яе ўдзелу.
У канцылярыі ёй толькі ўручылі пратакол з вэрдыктам — штраф у 15 базавых велічынь (345 рублёў) за ўдзел у «несанкцыянаванай акцыі» у Курапатах. Сярод іншага Наста прынесла ў суд даведку аб тым, што выхоўвае двух няпоўнагадовых дзяцей. Але палёгкі не атрымала:
«150 даляраў адным махам, ні за што. Нават без удзелу „абвінавачанага“. Лёгка ў іх гэта робіцца, — гаворыць Наста. — Казаць пра нейкае правасудзьдзе нават не выпадае».
12.25 Суд над Пратасевічам перанесены
Раман Пратасевіч
Разгляд справы Рамана Пратасевіча перанесены на 9.30 у пятніцу 14 красавіка. Ён прынёс даведку ад рэктара, што ў той дзень быў на занятках. Цяпер выклікаюць выкладчыка, над спраўдзіць ягонае алібі.
Абаронцу Курапатаў Рамана Васільева аштрафавалі «па максымуме»
Раман Васільеў
Штраф у 50 базавых велічынь, гэта 1050 рублёў, атрымаў у Савецкім раённым судзе Менску актывіст «Маладога фронту» Раман Васільеў.
Пастанову вынес судзьдзя Аляксандар Воўк. Актывіста пакаралі за ўдзел у абароне Курапатаў ад будаўніцтва офіснага цэнтру на вуліцы Мірашнічэнкі.