Пра гэта паведамляе РБК са спасылкай на Міністэрства абароны Расеі. Ведамства заклікала лідэраў дзеючых у горадзе ўзброеных фармаваньняў пакінуць яго са зброяй па двух калідорах, ад якіх будуць адведзены ўрадавыя войскі і тэхніка.
20 кастрычніка Расея ўвяла «гуманітарную паўзу», падчас якой Масква і сырыйскі ўрад абавязаліся прыпыніць паветраныя атакі. Пазьней часовае замірэньне некалькі разоў падаўжалі. За гэты час ААН не змагла эвакуяваць мірных жыхароў з гораду з-за адсутнасьці гарантый бясьпекі.
Паводле інфармацыі агенцтва Reuters, тыя, што спрабавалі выйсьці з Алепа праз гуманітарныя калідоры, патрапілі пад абстрэл. 23 кастрычніка праваабаронцы паведамілі пра аднаўленьне бамбаваньняў.
Горад Алепа падзелены на зоны, занятыя сіламі прэзыдэнта Сырыі Башара Асада і атрадамі апазыцыі. Урадавая армія пры падтрымцы расейскай авіяцыі наносіць удары па кантраляваным паўстанцамі раёнах. 28 кастрычніка шэраг СМІ паведамілі, што сілы апазыцыі пачалі наступ на ўрадавыя войскі.
Прэзыдэнт Расеі Уладзімер Пуцін даручыў увесьці новую «гуманітарную паўзу» у сырыйскім горадзе Алепа 4 лістапада.