У 2016 годзе ВУП Беларусі зьнізіцца на 2,7%, гаворыцца ў красавіцкім прагнозе ўсясьветнай эканомікі МВФ.
У кастрычніку мінулага году МВФ прагназаваў зьніжэньне ВУП Беларусі ў бягучым годзе на 2,2%.
У 2017 годзе прагназуецца рост эканомікі Беларусі на 0,4%.
Пагоршыўся таксама прагноз тэмпаў росту спажывецкіх цэн у Беларусі. Паводле новай ацэнкі фонду, інфляцыя ў Беларусі ў 2016 годзе складзе 14,5%, а раней МВФ прагназаваў рост спажывецкіх цэн у Беларусі на 12,3%.
Улады Беларусі спадзяюцца, што прырост ВУП Беларусі сёлета складзе 0,3%, а інфляцыя не перавысіць 12%.