Памочнік дзяржсакратара ЗША Вікторыя Нуланд і памочнік прэзыдэнта Расеі Уладзіслаў Суркоў абмеркавалі ў Калінінградзкай вобласьці РФ сытуацыю на ўсходзе Ўкраіны і хаду выкананьня Менскіх пагадненьняў па мірным урэгуляваньні на Данбасе.
Як заявіў раней прадстаўнік Дзярждэпартамэнту ЗША Джон Кірбі, сустрэча была арганізавана «у разьвіцьцё» перамоваў, якія правялі 15 сьнежня ў Маскве прэзыдэнт Расеі Уладзімір Пуцін і кіраўнік МЗС Сяргей Лаўроў зь дзяржсакратаром ЗША Джонам Кэры.
Кансультацыі праходзілі ў закрытым рэжыме ў рэзыдэнцыі прэзыдэнта РФ у горадзе Піянэрскі пад Калінінградам, на беразе Балтыйскага мора.
11 студзеня ў Кіеве зь візытам пабываў нядаўна прызначаны прадстаўнік Расеі ў трохбаковай кантактнай групе па Ўкраіне Барыс Грызлоў.