Данецкія сэпаратысты сёньня сабралі прадстаўнікоў розных гарадоў вобласьці для стварэньня «народнай рады». Гэтыя дэлегаты абвясьцілі «незалежнасьць Данецкай рэспублікі» — паведамляе карэспандэнт украінскай службы Радыё Свабода.
Цяпер пад захопленай будынкам абласной адміністрацыі знаходзіцца каля тысячы чалавек, ім паведамілі аб абвяшчэньні «незалежнасьці». Гэтую навіну яны ўспрынялі аплядысмэнтамі і гімнам Расійскай Фэдэрацыі. Пазьней нелегітымная «народная рада» прыняла рашэньне аб далучэньні да Расеі. Міліцыя ў гэтыя падзеі ня ўмешваецца.
Сэпаратысты ўтрымлівалі будынак абласной адміністрацыі цэлую мінулую ноч, яны патрабавалі ад дэпутатаў абласной рады сабрацца на пазачарговую сэсію, аднак кворуму не набралі, таму выклікалі уласных дэлегатаў.
Сэпаратысты ўтрымлівалі будынак абласной адміністрацыі цэлую мінулую ноч, яны патрабавалі ад дэпутатаў абласной рады сабрацца на пазачарговую сэсію, аднак кворуму не набралі, таму выклікалі уласных дэлегатаў.