26 сакавіка з турмы на вуліцы Акрэсьціна ў Менску выйшлі на волю актывісты АГП Уладзімер Раманоўскі, Яўген Храпаў і Міхаіл Бабіла, а таксама намесьнік старшыні аргкамітэту ў справе стварэньня БСДП (Народная Грамада) Аляксандар Арастовіч.
Колішні вязень ГУЛАГу Ўладзімер Раманоўскі распавёў, што парадкі ў Цэнтры ізаляцыі правапарушальнікаў стражэйшыя, чым у турме. Прыкладам, калі ты не выскачыў па камандзе, то табе пагражаюць ажно фізычным пакараньнем.
«Абыходжаньне са зьняволенымі вельмі жорсткае і больш шакуе, чым сама пасадка. Таму што калі сутыкаесься з хамствам, на якое ня можаш адказаць, гэта душыць», — заявіў Раманоўскі ў інтэрвію БелаПАН.
Уладзімера Раманоўскага, Яўгена Храпава, Міхаіла Бабілу і Аляксандра Арастовіча асудзілі за пікет салідарнасьці з палітвязьнямі 16 сакавіка ў Менску.
За той жа пікет Анатоля Лябедзьку пакаралі 15 суткамі арышту.
«Абыходжаньне са зьняволенымі вельмі жорсткае і больш шакуе, чым сама пасадка. Таму што калі сутыкаесься з хамствам, на якое ня можаш адказаць, гэта душыць», — заявіў Раманоўскі ў інтэрвію БелаПАН.
Уладзімера Раманоўскага, Яўгена Храпава, Міхаіла Бабілу і Аляксандра Арастовіча асудзілі за пікет салідарнасьці з палітвязьнямі 16 сакавіка ў Менску.
За той жа пікет Анатоля Лябедзьку пакаралі 15 суткамі арышту.