Расейскі хімічны холдынг «Уралхім» пасьля ўваходжаньня ва «Ўралкалій» будзе спрыяць вызваленьню Ўладзіслава Баўмгертнэра.
Пра гэта заявіў журналістам гендырэктар «Уралхіма» Дзьмітры Каняеў.
«Думаю, што пасьля ўваходжаньня ў раду дырэктараў будзем прымаць актыўны ўдзел у гэтым пытаньні, каб Баўмгертнэр знаходзіўся на сваім законным месцы, а не ў СІЗА. Не абмяркоўвалі пытаньне аб яго адстаўцы, гэта пакуль не зьяўляецца прадметам абмеркаваньня ўнутры «Ўралхіма», — цытуе РІА «Новости» Каняева.
«Уралхім» пакуль не закрыў угоду па куплі 20% акцый ва «Ўралкалія».
29 лістапада была зацьверджаная рада дырэктараў «Уралкалія», у якую таксама ўвайшоў генэральны дырэктар кампаніі Ўладзіслаў Баўмгертнэр, які цяпер знаходзіцца пад арыштам у Маскве. З гэтага паведамленьня вынікае, што Баўмгертнэр застаўся гендырэктарам «Уралкалія».
Уладзіслава Баўмгертнэра затрымалі 26 жніўня ў Менску. Яму прад’яўлена абвінавачваньне ў злоўжываньні ўладай і службовымі паўнамоцтвамі. Сьледчыя органы Беларусі лічаць, што супрацьпраўныя дзеяньні Баўмгертнэра і шэрагу іншых топ-мэнэджэраў Беларускай калійнай кампаніі нанесьлі «Беларуськалію» і БКК шкоду ў памеры 100 млн даляраў.
Ад 26 верасьня Баўмгертнэра перавялі зь СІЗА КДБ пад хатні арышт. Яго трымалі ў Менску на здымнай кватэры. 21 лістапада стала вядома, што генпракуратура Беларусі задаволіла просьбу генпракуратуры Расеі аб выдачы Баўмгертнэра кампэтэнтным органам Расеі для прыцягненьня яго да крымінальнай адказнасьці.
«Думаю, што пасьля ўваходжаньня ў раду дырэктараў будзем прымаць актыўны ўдзел у гэтым пытаньні, каб Баўмгертнэр знаходзіўся на сваім законным месцы, а не ў СІЗА. Не абмяркоўвалі пытаньне аб яго адстаўцы, гэта пакуль не зьяўляецца прадметам абмеркаваньня ўнутры «Ўралхіма», — цытуе РІА «Новости» Каняева.
«Уралхім» пакуль не закрыў угоду па куплі 20% акцый ва «Ўралкалія».
29 лістапада была зацьверджаная рада дырэктараў «Уралкалія», у якую таксама ўвайшоў генэральны дырэктар кампаніі Ўладзіслаў Баўмгертнэр, які цяпер знаходзіцца пад арыштам у Маскве. З гэтага паведамленьня вынікае, што Баўмгертнэр застаўся гендырэктарам «Уралкалія».
Уладзіслава Баўмгертнэра затрымалі 26 жніўня ў Менску. Яму прад’яўлена абвінавачваньне ў злоўжываньні ўладай і службовымі паўнамоцтвамі. Сьледчыя органы Беларусі лічаць, што супрацьпраўныя дзеяньні Баўмгертнэра і шэрагу іншых топ-мэнэджэраў Беларускай калійнай кампаніі нанесьлі «Беларуськалію» і БКК шкоду ў памеры 100 млн даляраў.
Ад 26 верасьня Баўмгертнэра перавялі зь СІЗА КДБ пад хатні арышт. Яго трымалі ў Менску на здымнай кватэры. 21 лістапада стала вядома, што генпракуратура Беларусі задаволіла просьбу генпракуратуры Расеі аб выдачы Баўмгертнэра кампэтэнтным органам Расеі для прыцягненьня яго да крымінальнай адказнасьці.