Паводле ўзроўню разводаў Беларусь займае другое месца ў сьвеце. Каэфіцыент разводаў у краіне складае 4,1 на тысячу жыхароў.
Пра гэта паведаміла журналістам аўтарка «Аналізу тэндэнцыяў шлюбнасьці і разводаў насельніцтва Рэспублікі Беларусь з 1946 па 2010 гады», доктар геаграфічных навук БДУ, прафэсар Кацярына Анціпава 11 чэрвеня на прэзэнтацыі дасьледаваньня ў Менску.
У рэйтынгу краін паводле ўзроўню разводаў, складзеным ААН па выніках 2011 году, Беларусь саступае толькі Расеі, дзе рэгіструецца 4,7 разводу на тысячу чалавек. На трэцім месцы — Латвія з каэфіцыентам 4. У канцы рэйтынгу — Македонія і Чарнагорыя з каэфіцыентам 0,8, Ямайка (0,7) і Мальта (0,1).
Паводле Анціпавай, пачынаючы з 1970 году колькасьць разводаў у Беларусі падвоілася, перадае БелаПАН.
Камэнтуючы сытуацыю, экспэрт па пытаньнях гендэрнай роўнасьці Ірына Альхоўка сказала карэспандэнту Свабоды:
«Сёньня інстытут шлюбу канкуруе з інстытутам індывідуалізму. Калі людзі, так бы мовіць, самі па сабе, у іх няма абавязаньняў, калі ў іх больш правоў, яны ня хочуць несьці абавязаньні за іншага чалавека, ня хочуць мець дзяцей. Альбо ня хочуць мець такія адносіны, якія нечым абцяжараныя».
У рэйтынгу краін паводле ўзроўню разводаў, складзеным ААН па выніках 2011 году, Беларусь саступае толькі Расеі, дзе рэгіструецца 4,7 разводу на тысячу чалавек. На трэцім месцы — Латвія з каэфіцыентам 4. У канцы рэйтынгу — Македонія і Чарнагорыя з каэфіцыентам 0,8, Ямайка (0,7) і Мальта (0,1).
Паводле Анціпавай, пачынаючы з 1970 году колькасьць разводаў у Беларусі падвоілася, перадае БелаПАН.
Камэнтуючы сытуацыю, экспэрт па пытаньнях гендэрнай роўнасьці Ірына Альхоўка сказала карэспандэнту Свабоды:
«Сёньня інстытут шлюбу канкуруе з інстытутам індывідуалізму. Калі людзі, так бы мовіць, самі па сабе, у іх няма абавязаньняў, калі ў іх больш правоў, яны ня хочуць несьці абавязаньні за іншага чалавека, ня хочуць мець дзяцей. Альбо ня хочуць мець такія адносіны, якія нечым абцяжараныя».