Напярэдадні адкрыцьця чэмпіянату сьвету па хакеі ў Стакгольме да кіраўніцтва Міжнароднай фэдэрацыі хакея зьвярнуўся шэраг праваабарончых арганізацыяў і дэпутатаў.
У лісьце, адрасаваным старшыні Міжнароднай фэдэрацыі хакея Рэнэ Фазэлю, гучыць заклік да гэтай арганізацыі і да нацыянальных фэдэрацыяў хакею «падтрымаць ахвяраў рэпрэсіяў, скасаваўшы правядзеньне чэмпіянату сьвету па хакеі ў Беларусі на наступным генэральным кангрэсе МФХ у Стакгольме ў траўні 2013 году».
«У краіне, якой кіруе Аляксандар Лукашэнка, у турмах цяпер знаходзіцца прынамсі 11 палітычных вязьняў. Сярод іх намінант на нобэлеўскую прэмію міру, праваабаронца Алесь Бяляцкі і прадстаўнікі палітычнай апазыцыі. У Беларусі фальшуюць выбары, ціснуць на мэдыі, моладзь перасьледуюць за яе погляды.
Мы ня хочам ператвараць спорт у палітычны спэктакль. На жаль, мы перакананыя, што менавіта так Лукашэнка зьбіраецца выкарыстаць гэтую падзею. Мы перакананыя, што, дазволіўшы правядзеньне чэмпіянату сьвету па хакеі ў Беларусі, вы падтрымаеце і легітымізуеце рэжым, які надзвычай груба парушае правы чалавека. Вы будзеце гуляць з дыктатарам. Чэмпіянаты могуць адбывацца ў Беларусі толькі пасьля таго, як урад краіны засьведчыць прагрэс у галіне правоў чалавека, перш за ўсё вызваліўшы ўсіх палітвязьняў», — пішуць аўтары ліста на адрас прэзыдэнта МФХ Рэнэ Фазэля.
Ліст падпісалі:
а таксама эўрадэпутаты Марэк Мігальскі, Вэрнэр Шульц, Пэтэр Шцясны, дэпутаты Бундэстагу Мануэль Сарацын і Марылюіза Бэк, дэпутатка швэдзкага Рыксдагу Каралін Шыбэр.
«У краіне, якой кіруе Аляксандар Лукашэнка, у турмах цяпер знаходзіцца прынамсі 11 палітычных вязьняў. Сярод іх намінант на нобэлеўскую прэмію міру, праваабаронца Алесь Бяляцкі і прадстаўнікі палітычнай апазыцыі. У Беларусі фальшуюць выбары, ціснуць на мэдыі, моладзь перасьледуюць за яе погляды.
Мы ня хочам ператвараць спорт у палітычны спэктакль. На жаль, мы перакананыя, што менавіта так Лукашэнка зьбіраецца выкарыстаць гэтую падзею. Мы перакананыя, што, дазволіўшы правядзеньне чэмпіянату сьвету па хакеі ў Беларусі, вы падтрымаеце і легітымізуеце рэжым, які надзвычай груба парушае правы чалавека. Вы будзеце гуляць з дыктатарам. Чэмпіянаты могуць адбывацца ў Беларусі толькі пасьля таго, як урад краіны засьведчыць прагрэс у галіне правоў чалавека, перш за ўсё вызваліўшы ўсіх палітвязьняў», — пішуць аўтары ліста на адрас прэзыдэнта МФХ Рэнэ Фазэля.
Ліст падпісалі:
- Нарвэскі Хэльсынскі камітэт,
- Libereco — Партнэрства за правы чалавека (Нямеччына),
- Östgruppen — швэдзкая ініцыятыва за дэмакратыю і правы чалавека,
- Freedom House (ЗША),
- арганізацыя «Правы чалавека ў Беларусі» (Нямеччына),
- «Грамадзянская Беларусь» (Чэхія),
- Харкаўская праваабарончая група,
- Gefangenes Wort (Нямеччына),
- Liberal International (Вялікабрытанія),
- Info Belarus (Швэцыя)
а таксама эўрадэпутаты Марэк Мігальскі, Вэрнэр Шульц, Пэтэр Шцясны, дэпутаты Бундэстагу Мануэль Сарацын і Марылюіза Бэк, дэпутатка швэдзкага Рыксдагу Каралін Шыбэр.