Там ён мае намер сустрэцца з рэдакцыяй сайту «Хартыя’97» і дамовіцца пра публікацыю абвяржэньня, каб выканаць такім чынам рашэньне Савецкага суду Менску.
22 траўня суд Савецкага раёну Менску ўхваліў рашэньне па грамадзянскім пазове працаўніцы Мазырскага НПЗ Марыны Цыбліенкі супраць апазыцыйнага палітыка Віктара Івашкевіча. Судзьдзя ацаніла маральныя і фізычныя пакуты Цыбліенкі ад заклікаў Івашкевіча да Эўразьвязу байкатаваць беларускія нафтапрадукты ў 500 тысяч рублёў. Палітыка таксама абавязалі абвергнуць на сайце «Хартыі’97» заклікі байкатаваць беларускія нафтапрадукты.
Сёньня Віктар Івашкевіч прыйшоў атрымаць рашэньне суду і тлумачэньне наконт таго, як ён павінен яго выканаць.
Івашкевіч: «Сёньня судзьдзі не было, а была толькі сакратарка, якая сказала, што ніякіх дадатковых тлумачэньняў яна ня дасьць, маўляў, „вось рашэньне суду, выконвайце як хочаце“. Я паставіў пытаньне пра фізычную магчымасьць выкананьня гэтага рашэньня. На што сакратарка адказала — можаце пісаць. Такім чынам, заўтра я прынясу ў суд зварот прыблізна такога зьместу: „Дзеля выкананьня рашэньня суду прашу забясьпечыць мяне неабходнай дакумэнтацыяй для перасячэньня мяжы з мэтай правесьці перамовы з рэдакцыяй сайту „Хартыя-97“ наконт разьмяшчэньня на сайце матэрыялу паводле рашэньня суду“. Яны павінны даць мне такі дакумэнт, на падставе якога я магу выехаць за мяжу».
Рашэньне суду Івашкевіч павінен выканаць на працягу 10 дзён.
Віктар Івашкевіч знаходзіцца ў сьпісе невыязных якраз у сувязі з «судовай справай Цыбліенкі». У Міністэрства ўнутраных спраў тады была пададзеная заява, каб Івашкевіча не выпускалі з краіны, пакуль суд ня скончаны і Івашкевіч ня выканаў ягонае рашэньне. Цяпер суд скончыўся, і Івашкевіч патрабуе забясьпечыць сваё права на выезд за мяжу.
Сёньня Віктар Івашкевіч прыйшоў атрымаць рашэньне суду і тлумачэньне наконт таго, як ён павінен яго выканаць.
Івашкевіч: «Сёньня судзьдзі не было, а была толькі сакратарка, якая сказала, што ніякіх дадатковых тлумачэньняў яна ня дасьць, маўляў, „вось рашэньне суду, выконвайце як хочаце“. Я паставіў пытаньне пра фізычную магчымасьць выкананьня гэтага рашэньня. На што сакратарка адказала — можаце пісаць. Такім чынам, заўтра я прынясу ў суд зварот прыблізна такога зьместу: „Дзеля выкананьня рашэньня суду прашу забясьпечыць мяне неабходнай дакумэнтацыяй для перасячэньня мяжы з мэтай правесьці перамовы з рэдакцыяй сайту „Хартыя-97“ наконт разьмяшчэньня на сайце матэрыялу паводле рашэньня суду“. Яны павінны даць мне такі дакумэнт, на падставе якога я магу выехаць за мяжу».
Рашэньне суду Івашкевіч павінен выканаць на працягу 10 дзён.
Віктар Івашкевіч знаходзіцца ў сьпісе невыязных якраз у сувязі з «судовай справай Цыбліенкі». У Міністэрства ўнутраных спраў тады была пададзеная заява, каб Івашкевіча не выпускалі з краіны, пакуль суд ня скончаны і Івашкевіч ня выканаў ягонае рашэньне. Цяпер суд скончыўся, і Івашкевіч патрабуе забясьпечыць сваё права на выезд за мяжу.