Алесю Атрошчанкаву дасылаюць лісты падтрымкі з усяго сьвету. Насьце Палажанцы чарговым разам адмовілі ў спатканьні са Зьмітром Дашкевічам. Паўла Вінаградава зноў пазбавілі турэмнага ложка. Андрэй Пратасеня пераведзены ў Бабруйскую калёнію. Мікола Дземідзенка выйдзе на волю 29 траўня.
Дар’я Корсак, жонка прэсавага сакратара Саньнікава, вязьня віцебскай калёніі Алеся Атрошчанкава, паведаміла «Свабодзе», што яе муж атрымлівае шмат лістоў і паштовак. Людзі з усяго сьвету пішуць яму словы салідарнасьці і падтрымкі. Пасланьняў столькі, што ўзьніклі праблемы ў турэмнай цэнзуры, кажа жонка палітвязьня:
«Ён напісаў, што лісты, якія яму шлюць, амаль што блякуюць працу турэмнай цэнзуры, і адміністрацыя папрасіла, каб яму дасылалі лісты толькі на беларускай, расейскай і ангельскай мовах. Я гэтак разумею, што яму пішуць з усяго сьвету і на розных мовах. Я вельмі ўдзячная за такую салідарнасьць».
Дар’я Корсак таксама паведаміла, што яе мужа перавялі з 7-га ў 10-ты атрад.
Ужо два тыдні знаходзіцца ў Бабруйскай калёніі Андрэй Пратасеня, які быў асуджаны на 3 гады зьняволеньня за падзеі 19 сьнежня. Брат вязьня Аляксандар паведаміў, што Андрэй пакуль знаходзіцца ў карантыне і зьвестак ад яго няшмат. Аляксандар ведае, што ягоны брат падаў касацыйную скаргу на прысуд:
«Ён напісаў яе, адправіў, але пакуль адвакат ня ведае пра вынік. Пакуль дзень разгляду скаргі не прызначаны».
Паводле брата, Андрэй Пратасеня на здароўе ня скардзіцца.
У нядзелю ці ў панядзелак, 30 траўня, будзе этапіраваны з «Валадаркі» ў калёнію пад Івацэвічамі «Ваўчыныя норы» актывіст «Гавары праўду» Павал Вінаградаў. Бацька палітвязьня Юры Вінаградаў бачыўся з сынам дзень таму. Даведаўся, што ўмовы ў камэры, дзе трымаюць сына, зноў пагоршыліся:
«Тры дні таму зь ім сустракалася ягоная дзяўчына Сьвета, казала, што ў яго ўжо свой ложак у камэры. А ўчора я зь ім сустракаюся, пытаюся пра ложак, кажа: не, усё. Напярэдадні пасялілі новых людзей, зноў 23 чалавекі ў камэры, зноў перанаселенасьць, сьпякотна, жахліва».
Паўла Вінаградава асудзілі на 4 гады зьняволеньня. Падчас сьледзтва ён зусім не даваў паказаньняў і гэтаксама паводзіў сябе ў судзе. Сваёй віны актывіст не прызнаў цалкам і пасьля суду абскардзіў прысуд.
Актывістка «Маладога фронту» Наста Палажанка зноў не атрымала спатканьня са Зьмітром Дашкевічам, якога па-ранейшаму трымаюць на «Валадарцы». Вядома, што Зьміцер азнаёміўся з пратаколам судовага працэсу, але, каб адбыўся разгляд касацыйнай скаргі на прысуд, яшчэ трэба, каб з пратаколам таксама азнаёміўся Эдуард Лобаў, якога судзілі разам з Дашкевічам. Маладафронтаўцаў асудзілі за хуліганства, Дашкевіча — на 2 гады, Лобава — на 4 гады калёніі. Эдуарда месяц таму перавялі ў калёнію пад Івацэвічамі.
Маці палітвязьня Марына Лобава: «Як я была ў яго ў калёніі два тыдні таму, яму пратакол яшчэ не прывезьлі. А з таго часу ад яго няма лістоў».
Праваабаронца зь «Вясны» Наста Лойка распавяла пра цяперашніх арыштантаў менскай турмы на Акрэсьціна:
«Мікалай Дземідзенка яшчэ адбывае свой адміністрацыйны арышт, заўтра яго павінны вызваліць з Акрэсьціна, а 14:45. Таксама на Акрэсьціна знаходзіцца актывіст „Эўрапейскай Беларусі“ Максім Вінярскі. Астатнія актывісты „Эўрапейскай Беларусі“, якія былі арыштаваныя, ужо вызваліліся».
Дар’я Корсак, жонка прэсавага сакратара Саньнікава, вязьня віцебскай калёніі Алеся Атрошчанкава, паведаміла «Свабодзе», што яе муж атрымлівае шмат лістоў і паштовак. Людзі з усяго сьвету пішуць яму словы салідарнасьці і падтрымкі. Пасланьняў столькі, што ўзьніклі праблемы ў турэмнай цэнзуры, кажа жонка палітвязьня:
«Ён напісаў, што лісты, якія яму шлюць, амаль што блякуюць працу турэмнай цэнзуры, і адміністрацыя папрасіла, каб яму дасылалі лісты толькі на беларускай, расейскай і ангельскай мовах. Я гэтак разумею, што яму пішуць з усяго сьвету і на розных мовах. Я вельмі ўдзячная за такую салідарнасьць».
Дар’я Корсак таксама паведаміла, што яе мужа перавялі з 7-га ў 10-ты атрад.
Лісты, якія яму шлюць, амаль што блякуюць працу турэмнай цэнзуры.
Ужо два тыдні знаходзіцца ў Бабруйскай калёніі Андрэй Пратасеня, які быў асуджаны на 3 гады зьняволеньня за падзеі 19 сьнежня. Брат вязьня Аляксандар паведаміў, што Андрэй пакуль знаходзіцца ў карантыне і зьвестак ад яго няшмат. Аляксандар ведае, што ягоны брат падаў касацыйную скаргу на прысуд:
«Ён напісаў яе, адправіў, але пакуль адвакат ня ведае пра вынік. Пакуль дзень разгляду скаргі не прызначаны».
Паводле брата, Андрэй Пратасеня на здароўе ня скардзіцца.
У нядзелю ці ў панядзелак, 30 траўня, будзе этапіраваны з «Валадаркі» ў калёнію пад Івацэвічамі «Ваўчыныя норы» актывіст «Гавары праўду» Павал Вінаградаў. Бацька палітвязьня Юры Вінаградаў бачыўся з сынам дзень таму. Даведаўся, што ўмовы ў камэры, дзе трымаюць сына, зноў пагоршыліся:
«Тры дні таму зь ім сустракалася ягоная дзяўчына Сьвета, казала, што ў яго ўжо свой ложак у камэры. А ўчора я зь ім сустракаюся, пытаюся пра ложак, кажа: не, усё. Напярэдадні пасялілі новых людзей, зноў 23 чалавекі ў камэры, зноў перанаселенасьць, сьпякотна, жахліва».
Паўла Вінаградава асудзілі на 4 гады зьняволеньня. Падчас сьледзтва ён зусім не даваў паказаньняў і гэтаксама паводзіў сябе ў судзе. Сваёй віны актывіст не прызнаў цалкам і пасьля суду абскардзіў прысуд.
Актывістка «Маладога фронту» Наста Палажанка зноў не атрымала спатканьня са Зьмітром Дашкевічам, якога па-ранейшаму трымаюць на «Валадарцы». Вядома, што Зьміцер азнаёміўся з пратаколам судовага працэсу, але, каб адбыўся разгляд касацыйнай скаргі на прысуд, яшчэ трэба, каб з пратаколам таксама азнаёміўся Эдуард Лобаў, якога судзілі разам з Дашкевічам. Маладафронтаўцаў асудзілі за хуліганства, Дашкевіча — на 2 гады, Лобава — на 4 гады калёніі. Эдуарда месяц таму перавялі ў калёнію пад Івацэвічамі.
Маці палітвязьня Марына Лобава: «Як я была ў яго ў калёніі два тыдні таму, яму пратакол яшчэ не прывезьлі. А з таго часу ад яго няма лістоў».
Праваабаронца зь «Вясны» Наста Лойка распавяла пра цяперашніх арыштантаў менскай турмы на Акрэсьціна:
«Мікалай Дземідзенка яшчэ адбывае свой адміністрацыйны арышт, заўтра яго павінны вызваліць з Акрэсьціна, а 14:45. Таксама на Акрэсьціна знаходзіцца актывіст „Эўрапейскай Беларусі“ Максім Вінярскі. Астатнія актывісты „Эўрапейскай Беларусі“, якія былі арыштаваныя, ужо вызваліліся».