Выступаючы перад журналістамі ў Нацыянальным прэсавым цэнтры, міністар унутраных спраў Анатоль Куляшоў назваў падзеі 19 сьнежня на плошчы Незалежнасьці «ўзброенай спробай перавароту».
Паводле міністра, дэманстранты былі ўзброеныя «халоднай зброяй», якую пакінулі на месцы падзеяў пасьля разгону акцыі. Таксама міністар заявіў, што дэманстранты плянавалі здабыць «камяні і цагліны». Агнястрэльнай зброі ў актыўных удзельнікаў падзеяў не было, прызнаў Анатоль Куляшоў.
