У Добрушы 7 жніўня надзе а 12:30 супрацоўнікі дэпартамэнту аховы МУС затрымалі актывістаў «Руху „За Свабоду“» Сяргея Сьцепанца і Яўгена Суворава.
Як паведаміў БелаПАН старшыня гомельскага аддзяленьня руху «За Свабоду» Пятро Кузьняцоў, маладыя людзі распаўсюджвалі на мясцовым рынку капэрты з тэзамі перадвыбарнай праграмы Аляксандра Мілінкевіча й анкеты. Раздача інфармацыйных матэрыялаў праходзіла ў рамках кампаніі «Народная праграма». Па азнаямленьні з тэзамі праграмы Мілінкевіча ахвотныя могуць запоўніць анкету, унесьці свае прапановы і дадаткі.
«Хлопцы пасьпелі раздаць каля тысячы капэртаў, як да іх падышлі супрацоўнікі дэпартамэту аховы й прапанавалі прайсьці ў аддзяленьне. Матывы затрыманьня яны патлумачылі тым, што, маўляў, таксама хочам пачытаць тое, што вы раздаяце. Іх пратрымалі ў аддзеле калі паўгадзіны й адпусьцілі — відаць, ня ведалі, што рабіць. Пратаколу не складалі, інфармацыйныя матэрыялы таксама не забіралі», дадаў Кузьняцоў.
Паводле ягоных слоў, мэта акцыі «Народная праграма» — абудзіць грамадзянскую актыўнасьць людзей напярэдадні выбараў прэзыдэнта, стварыць сапраўды народную перадвыбарную праграму, якая адлюстроўвае інтарэсы большасьці грамадзянаў.
Як паведаміў БелаПАН старшыня гомельскага аддзяленьня руху «За Свабоду» Пятро Кузьняцоў, маладыя людзі распаўсюджвалі на мясцовым рынку капэрты з тэзамі перадвыбарнай праграмы Аляксандра Мілінкевіча й анкеты. Раздача інфармацыйных матэрыялаў праходзіла ў рамках кампаніі «Народная праграма». Па азнаямленьні з тэзамі праграмы Мілінкевіча ахвотныя могуць запоўніць анкету, унесьці свае прапановы і дадаткі.
«Хлопцы пасьпелі раздаць каля тысячы капэртаў, як да іх падышлі супрацоўнікі дэпартамэту аховы й прапанавалі прайсьці ў аддзяленьне. Матывы затрыманьня яны патлумачылі тым, што, маўляў, таксама хочам пачытаць тое, што вы раздаяце. Іх пратрымалі ў аддзеле калі паўгадзіны й адпусьцілі — відаць, ня ведалі, што рабіць. Пратаколу не складалі, інфармацыйныя матэрыялы таксама не забіралі», дадаў Кузьняцоў.
Паводле ягоных слоў, мэта акцыі «Народная праграма» — абудзіць грамадзянскую актыўнасьць людзей напярэдадні выбараў прэзыдэнта, стварыць сапраўды народную перадвыбарную праграму, якая адлюстроўвае інтарэсы большасьці грамадзянаў.