Паводле інфармацыі дэмакратычнага актывіста Барыса Хамайды, сёньня днём у цэнтры Смаленску на электрычных дратах праз Дняпро зьявіўся бел-чырвона-белы сьцяг.
Як стала вядома дэмакратычнаму актывісту з крыніцаў вартых даверу, да сьцяга была прымацаваная наступная цыдулка:
«14 траўня 1995 года беларускі рэжым правёў ганебны рэфэрэндум па скасаваньні беларускай мовы і гістарычных сымбаляў. Тагачаснае кіраўніцтва Расеі прызнала вынікі гэтага абсурду. Сёньняшняя акцыя ў Смаленску, горадзе Вялікага княства Літоўскага, сьведчыць пра тое, што нацыянальныя сьвятыні беларускага народу зьнішчыць немагчыма, бо яны вечныя. Жыве Беларусь! Мірон».