Палітыка Паўла Севярынца і журналіста Ўладзіслава Стараверава выпусьцілі з райаддзелу міліцыі Кастрычніцкага раёну Віцебску.
Супрацоўнікі міліцыі высьвятлялі іх датычнасьць да несанкцыянаванай акцыі, якую на прыступках суду Кастрычніцкага раёну Віцебску нібыта арганізаваў Сяргей Каваленка, разгарнуўшы бел-чырвона-белы сьцяг.
Адначасна супрацоўнікі міліцыі затрымалі і даставілі ў пастарунак яшчэ аднаго віцебскага актывіста Тараса Сургана і брата Сяргея Каваленкі Віталя Каваленку. Па-ранейшаму ў пастарунку знаходзіцца Барыс Хамайда, сувязі зь ім няма.