Сёлетняе дажджлівае лета спрыяе росту грыбоў і ягадаў у лясах Гомельшчыны. Не зьнікаюць дары лесу і з рынкаў абласнога цэнтру. Але далёка ня ўсё, што прапануецца на продаж, можна спажываць. Пасьля Чарнобылю ў рэгіёне, па сутнасьці, няма экалягічна чыстых грыбоў і ягадаў.
На Прывакзальным рынку мужчына сярэдніх гадоў прадае з кошыка сьвежыя лісічкі: паўлітровы слоік — 2 тысячы рублёў, місачка — дзьве з паловай.
На радыяцыю свае грыбы мужчына не правяраў:
“Сёньня не правяраў, бо сьпяшаўся — позна аўтобус прыйшоў. Я ўжо ня першы месяц важу — усё нармальна”.
Непадалёк пэнсіянэрка прапануе лісічкі на вагу. За кіляграм — чатыры з паловай тысячы. Кажа, што сама яна з Касьцюкоўкі, а грыбы зьбіраць яе вазілі за Гомель, у бок Украіны. Лісічкі яна нібыта раней правярала, але квіток забылася дома:
“На стале дома застаўся — я так сьпяшалася. Я сама з Касьцюкоўкі. Вазілі мяне ў грыбы, дык згубілі бабу. Я ўжо ні грыбоў не хацела, нічога. Людзі там хадзілі, паказалі. Во ўжо й прывезьлі мяне. За чатыры тысячы пяцьсот аддаю”.
Яшчэ адна кабета прадае шклянкамі й невялічкімі плястмасавымі вядзерцамі чарніцы. На радыяцыю іх не правярала. Лябараторыі на Прывакзальным рынку няма, а да Цэнтральнага рынку — амаль кілямэтар.
“Не, не правярала. Далёка хадзіць на той кірмаш”.
На Цэнтральным рынку сёньня гандляроў ляснымі дарамі было няшмат. Мужчына прадаваў падбярозавікі. Грыбы былі правераныя на радыяцыю. Паводле даведкі, узровень заражанасьці падбярозавікаў — 268 бекерэляў на кіляграм. Прадаваць іх дазволілі, паколькі беларускія санітарныя нормы дапускаюць узровень радыяцыі ў грыбах да 370 бекерэляў.
На Прудкоўскім рынку адна кабета прадавала лісічкі, як кажуць, з-пад крыса. Як толькі хто-небудзь запытаецца наконт праверкі грыбоў на радыяцыю, кабета цьвердзіць так:
“Не-не, на праверку прынесла. Гэта хатнія — хачу праверыць”.
Другая прадавачка грыбоў, якая назвалася Марыяй, апавяла, што ўжо шмат гадоў прадае грыбы на рынку. Зьбірае іх паблізу вёскі Дзікалаўкі. Сёньня лісічкі ўжо прадала. Аднесла на праверку, а сама стала прадаваць:
“Сёньня даведачку яшчэ ня брала, але ж я кожны дзень іх правяраю. Вось адна даведачка, другая. Сёньня здала грыбы на праверку, грошы — 1700 рублёў — заплаціла, слоік грыбоў пакінула. Мяне ж ганяюць, як сідараву казу. Таму кожны дзень правяраю”.
Нядаўна супрацоўнікі адміністрацыі чарнобыльскіх зон адчужэньня й адсяленьня праверылі Вёткаўскі раён. За адзін дзень на моцна заражаных радыяцыяй участках яны затрымалі пяцёх грыбнікоў — тыя зьбіралі лісічкі на продаж.
На Прывакзальным рынку мужчына сярэдніх гадоў прадае з кошыка сьвежыя лісічкі: паўлітровы слоік — 2 тысячы рублёў, місачка — дзьве з паловай.
На радыяцыю свае грыбы мужчына не правяраў:
“Сёньня не правяраў, бо сьпяшаўся — позна аўтобус прыйшоў. Я ўжо ня першы месяц важу — усё нармальна”.
Непадалёк пэнсіянэрка прапануе лісічкі на вагу. За кіляграм — чатыры з паловай тысячы. Кажа, што сама яна з Касьцюкоўкі, а грыбы зьбіраць яе вазілі за Гомель, у бок Украіны. Лісічкі яна нібыта раней правярала, але квіток забылася дома:
“На стале дома застаўся — я так сьпяшалася. Я сама з Касьцюкоўкі. Вазілі мяне ў грыбы, дык згубілі бабу. Я ўжо ні грыбоў не хацела, нічога. Людзі там хадзілі, паказалі. Во ўжо й прывезьлі мяне. За чатыры тысячы пяцьсот аддаю”.
Яшчэ адна кабета прадае шклянкамі й невялічкімі плястмасавымі вядзерцамі чарніцы. На радыяцыю іх не правярала. Лябараторыі на Прывакзальным рынку няма, а да Цэнтральнага рынку — амаль кілямэтар.
“Не, не правярала. Далёка хадзіць на той кірмаш”.
На Цэнтральным рынку сёньня гандляроў ляснымі дарамі было няшмат. Мужчына прадаваў падбярозавікі. Грыбы былі правераныя на радыяцыю. Паводле даведкі, узровень заражанасьці падбярозавікаў — 268 бекерэляў на кіляграм. Прадаваць іх дазволілі, паколькі беларускія санітарныя нормы дапускаюць узровень радыяцыі ў грыбах да 370 бекерэляў.
На Прудкоўскім рынку адна кабета прадавала лісічкі, як кажуць, з-пад крыса. Як толькі хто-небудзь запытаецца наконт праверкі грыбоў на радыяцыю, кабета цьвердзіць так:
“Не-не, на праверку прынесла. Гэта хатнія — хачу праверыць”.
Другая прадавачка грыбоў, якая назвалася Марыяй, апавяла, што ўжо шмат гадоў прадае грыбы на рынку. Зьбірае іх паблізу вёскі Дзікалаўкі. Сёньня лісічкі ўжо прадала. Аднесла на праверку, а сама стала прадаваць:
“Сёньня даведачку яшчэ ня брала, але ж я кожны дзень іх правяраю. Вось адна даведачка, другая. Сёньня здала грыбы на праверку, грошы — 1700 рублёў — заплаціла, слоік грыбоў пакінула. Мяне ж ганяюць, як сідараву казу. Таму кожны дзень правяраю”.
Нядаўна супрацоўнікі адміністрацыі чарнобыльскіх зон адчужэньня й адсяленьня праверылі Вёткаўскі раён. За адзін дзень на моцна заражаных радыяцыяй участках яны затрымалі пяцёх грыбнікоў — тыя зьбіралі лісічкі на продаж.