Прадстаўнік дзяржаўнага дэпартамэнту ЗША Іэн Келі (Ian Kelly) заявіў, што Злучаныя Штаты вітаюць крок афіцыйнага Менску.
Келі: "Мы разумеем, што прэзыдэнт Лукашэнка падпісаў указ аб памілаваньні спадара Зэльцэра. Як вы ведаеце, Дзяржэпартамэнт і наша пасольства ў Менску заўсёды дамагаліся вызваленьня спадара Зэльцэра паводле гуманітарных меркаваньняў. Мы вітаем гэтую навіну і рады, што яго вызваленьне зьдзейсьнілася”.
Прадстаўнік Дзярждэпартамэнту дадаў, што ЗША яшчэ маюць пэўныя пытаньні наконт некаторых дзеяньняў беларускіх уладаў, але далейшая палітыка будзе ўлічваць сёньнешняе рашэньне.
Прадстаўнік Дзярждэпартамэнту дадаў, што ЗША яшчэ маюць пэўныя пытаньні наконт некаторых дзеяньняў беларускіх уладаў, але далейшая палітыка будзе ўлічваць сёньнешняе рашэньне.