Заплянаваная на вечар 27 сакавіка прэзэнтацыя кнігі Барыса Клейна “Недосказанное. Имена” сёньня не адбудзецца. Пра гэта “Свабодзе” паведаміў Аляксандар Фядута -- адзін зь ініцыятараў выданьня гэтай кнігі і адзін з аўтараў прадмоў.
Імпрэза павінна была адбыцца ў філіяле Нацыянальнага музэю – доме Ваньковічаў. Але кіраўніцтва музэю не дазволіла яе праводзіць. Прычына – маўляў, мерапрыемства не па профілю: гэта – кніжка, а не карціна.
Аляксандар Фядута гаворыць, што ён мае ўласную вэрсію, чаму ў апошні момант прэзэнтацыю адмянілі:
“Я думаю, што твар Васіля Быкава на вокладцы ўсё ж палохае пэўныя колы”.