Тыдзень у фатаздымках, 15 — 21 лютага

21 люты 2009, 19:12

Беларускія падзеі ў фотаздымках, 15 — 14 лютага 2009 году.

15 лютага, нядзеля

Каля Ратушы ў Празе сабраліся каля 30 беларускіх і грузінскіх грамадзкіх актывістаў, каб выказаць пратэст супраць магчымасьці запрашэньня Аляксандра Лукашэнкі на саміт краінаў Эўразьвязу і Ўсходняй Эўропы, які адбудзецца сёлета ў Празе ў траўні.

16 лютага, панядзелак

У Менску гвалтоўна разагнаная традыцыйная акцыя салідарнасьці.

У Нью-Ёрку адбыўся мітынг Згуртаваньня Беларускай Моладзі ў Амэрыцы і Нью-Ёркскага аддзелу Беларуска-Амэрыканскага Задзіночаньня супраць падпісаных Лукашэнкам на пачатку месяца ў Маскве пагадненьняў аб адзінай з Расеяй паветранай прасторы і сумеснай апэратыўнай вайсковай групоўцы некаторых краінаў СНД.

16 лютага ў Віцебску за распаўсюд улётак быў затрыманы Канстанцін Смолікаў, старшыня абласной арганізацыі партыі БНФ.

17 лютага, аўторак

Дом менчука Васіля Хадзькова мэтрабудаўнікі пусьцілі дымам

18 лютага, серада

Дэлегацыя ПАРЭ наведала Менск. На фота — старшыня палітычнага камітэту Ёран Ліндблад зь міністрам замежных спраў Сяргеем Мартынавым.

Дэпутат эўрапарлямэнту Андрэа Рыгоні паказвае торбу, у якую зьбірае дакумэнты для дакладу па Беларусі, якія павінен прагучаць на сесіі ПАРЭ летам.

19 лютага, чацьвер

Вярхоўны прадстаўнік у пытаньнях агульнай зьнешняй палітыкі і палітыкі бясьпекі Эўразьвязу, Генэральны сакратар Рады Эўразьвязу Хавіер Саляна сустрэўся з прадстаўнікамі недзяржаўных грамадзкіх арганізацыяў.

Кіраўнік Беларусі Аляксандар Лукашэнка сустрэўся з генэральным сакратром Рады Эўразьвязу, вярхоўным прадстаўніком па агульнай зьнешняй палітыцы і палітыцы бясьпекі ЭЗ Хавіерам Салянам.

20 лютага, пятніца

Менск наведала дэлегацыя Эўрапарлямэнту. На фота —сустрэча з прадстаўнікамі грамадзянскай супольнасьці і недзяржаўных мэдыяў.

У Менску каля ганку ізалятару на вуліцы Валадарскага сябры незарэгістраванай арганізацыі “Малады фронт” правялі пікет салідарнасьці “Свабоду палітвязьням!”.

Алесь Белы прэзэнтаваў «Энцыкляпэдыю беларускай кухні»

21 лютага, субота

У Дзень роднай мовы ў Менску стартавала беларуская дыктоўка. Пасол Швэцыі Стэфан Эрыксан (на фота): “Я буду рады, калі сваім прыкладам кагосьці змагу падштурхнуць да выкарыстаньня беларускай мовы”.