У Беларусі большасьць палітычных структураў пазьбягае даваць адназначныя ацэнкі падзеям у Паўднёвай Асэтыі. Дагэтуль ніяк ня выказаўся з гэтай нагоды Аляксандар Лукашэнка.
У пятніцу са стрыманай заявай выступіла Міністэрства замежных справаў Беларусі. МЗС выказала глыбокую заклапочанасьць ахвярамі сярод мірнага насельніцтва і заклікала да неадкладнага спыненьня агню і правядзеньня перамоваў.
Гэткая нэўтральная рэакцыя беларускага афіцыйнага боку ўжо выклікала нэрвовыя рэплікі сярод расейскіх палітычных аналітыкаў. Напрыклад, палітоляг Андрэй Суздальцаў выказаўся, што Менск фактычна здрадзіў свайму саюзьніку і партнэру па саюзнай дзяржаве.
Што да апазыцыі, то сярод палітычных партыяў сваё стаўленьне да расейска-грузінскага канфлікту выказала толькі партыя БНФ на сваім зьезьдзе ў суботу 9 жніўня, прыняўшы адпаведную заяву:
“Партыя БНФ занепакоеная ўзброеным канфліктам у Паўднёвай Асэтыі. Забесьпячэньне тэрытарыяльнай цэласнасьці Грузіі ёсьць унутранаю справаю сувэрэннай краіны. Увод вайсковых частак Расеі на тэрыторыю Грузіі ды іхны ўдзел у баявых дзеяньнях — гэта агрэсія Расеі супраць сувэрэннай Грузінскай дзяржавы. Партыя БНФ настойвае на неадкладным прыпыненьні баявых дзеяньняў і вывадзе расейскіх войскаў з тэрыторыі Грузіі”, — сказана ў заяве.
Гэткая нэўтральная рэакцыя беларускага афіцыйнага боку ўжо выклікала нэрвовыя рэплікі сярод расейскіх палітычных аналітыкаў. Напрыклад, палітоляг Андрэй Суздальцаў выказаўся, што Менск фактычна здрадзіў свайму саюзьніку і партнэру па саюзнай дзяржаве.
Што да апазыцыі, то сярод палітычных партыяў сваё стаўленьне да расейска-грузінскага канфлікту выказала толькі партыя БНФ на сваім зьезьдзе ў суботу 9 жніўня, прыняўшы адпаведную заяву:
“Партыя БНФ занепакоеная ўзброеным канфліктам у Паўднёвай Асэтыі. Забесьпячэньне тэрытарыяльнай цэласнасьці Грузіі ёсьць унутранаю справаю сувэрэннай краіны. Увод вайсковых частак Расеі на тэрыторыю Грузіі ды іхны ўдзел у баявых дзеяньнях — гэта агрэсія Расеі супраць сувэрэннай Грузінскай дзяржавы. Партыя БНФ настойвае на неадкладным прыпыненьні баявых дзеяньняў і вывадзе расейскіх войскаў з тэрыторыі Грузіі”, — сказана ў заяве.