Лінкі ўнівэрсальнага доступу

15 кастрычніка ў клюбе «RE:PUBLIC» пройдзе «шчыры» фэстываль «Зробім лепш!». Гэтым фэстам «Арт Сядзіба» і ініцыятыва «Беларускі Гальфстрым» пры інфармацыйнай падтрымцы Радыё Свабода распачынаюць сэрыю імпрэзаў зь беларускімі гуртамі пад агульнай канцэпцыяй «шчырыя канцэрты». У першым фэстывалі возьмуць удзел чатыры гурты — NAVI, HURMA, AMAROKA і VINSENT.
Vinsent, вядучы праграмы «Цырк за дротам» на Радыё Свабода, не выступаў у Беларусі паўтара году, апошні раз — 9 траўня 2012 г. таксама у клюбе «Рэ:паблік».

Паводле арганізатараў, уваход на «шчырыя канцэрты» будзе бясплатны. Абмежаваньне адно — зьмяшчальнасьць клюба. Але цягам усёй імпрэзы будзе працаваць каса. У ёй наведнік зможа дабраахвотна купіць любую колькасьць квіткоў за 50 тысячаў. Грошы за квіткі пойдуць на арганізацыю наступных канцэртаў.

Кіраўнік Арт Сядзібы Павал Белавус у інтэрвію Радыё Свабода адзначыў, што «шчырыя» канцэрты — тэст беларусаў на шчодрасьць:

«Нешматлікія беларускія гурты могуць самастойна сабраць вялікі клюб. Людзі дрэнна ходзяць на сваіх. Лепш ім аддаць 100 даляраў за „Depeche mode“ ці 50 за Зэмфіру, чым пяць даляраў за беларускі канцэрт. Таму мы і вырашылі — няхай усе прыходзяць на канцэрт бясплатна. Агульнае правіла „шчырых канцэртаў“ вельмі простае: Калі ёсьць грошы і адчуваеш сябе шчырым і шчодрым беларусам, які хоча аддзячыць гуртам і арганізатарам за мерапрыемства — купі квіток у любы момант на працягу імпрэзы. Калі пераможа „сквапнасьць“, то значыць і ідэя нашая памрэ».

У фэстывалі прымуць удзел чатыры гурты — NAVI, HURMA, AMAROKA і VINSENT.

Vinsent, вядучы праграмы «Цырк за дротам» на Радыё Свабода, не выступаў у Беларусі паўтара году, апошні раз — 9 траўня 2012 г. таксама у клюбе «Рэ:паблік».

Пасьля здымкаў фільму «Жыве Беларусь!» Вінсэнт (сапр.імя Зьміцер Папко) заявіў, што на яго пачалі ціснуць спэцслужбы і таму ён ня можа вярнуцца ў Беларусь. Аднак некалькі месяцаў таму сьпеваку зьнялі забарону на выезд. Вінсэнт прызнаецца, што прыяжджаў месяц таму, і пакуль ня меў праблемаў з уладамі:

«Я не зьбіраюся эміграваць, я буду жыць у Беларусі. Мая будучыня зьвязана з Радзімай, гэта дакладна».

Vinsent спадзяецца, што на канцэрт зьбярэцца шмат людзей:

«Восень — адкрыцьцё сэзону, менавіта восеньню адбываюцца найлепшыя канцэрты. Ад канцэрту чакайце шмат моцнай беларускай энэргетыкі. Плянуем сыграць новыя песьні. Я разьлічваю пабачыць шмат новай моладзі, менавіта новых людзей. Бо моладзь — будучыня краіны», — адзначыў Vinsent у інтэрвію Радыё Свабода.

Радыё Свабода падчас канцэрту разыграе кнігі зь «Бібліятэкі Свабоды».




Vinsent - Радыё Свабода

  • 16x9 Image

    Франак Вячорка

    Франак Вячорка — журналіст, рэдактар новых мэдыяў Радыё Свабода. Нарадзіўся ў 1988 у Менску. Першы ляўрэат Стыпэндыі Вацлава Гаўла (2011), цяпер навучаецца ў магістратуры American University (Вашынгтон, ЗША) па праграме «Міжнародная камунікацыя».

Ваша меркаваньне

Паказаць камэнтары

XS
SM
MD
LG