Лінкі ўнівэрсальнага доступу

Вячаслава Сіўчыка аштрафавалі бяз выкліку ў суд


Вячаслаў Сіўчык падчас шэсьця 10 кастрычніка

Суд Цэнтральнага раёну Менску пакараў лідэра руху «Разам» Вячаслава Сіўчыка штрафам у памеры 50 базавых велічыняў за ўдзел у Шэсьці нацыянальнага сьцяга 10 кастрычніка.

Сіўчыка прызналі вінаватым у парушэньні парадку правядзеньня масавых мерапрыемстваў у адпаведнасьці з артыкулам 23.34 Кодэксу аб адміністрацыйных правапарушэньнях.

Як паведаміў Свабодзе Вячаслаў Сіўчык, пра гэта ён даведаўся з паведамленьняў незалежных сродкаў масавай інфармацыі:

«Я ня ведаю, у чым мяне вінавацяць, бо ніякай позвы ў суд я не атрымліваў і таму на паседжаньні не прысутнічаў. Вось атрымаю рашэньне суду, тады ўжо буду разьбірацца, хто і за што прыцягнуў мяне да адказнасьці. Больш за ўсё ўражвае, як гэта было зроблена: а навошта выклікаць у суд? Гэта ж канвэер. Можна было б пасьмяяцца з гэтага, але выпісаныя сумы зусім ня сьмешныя, як і сама сытуацыя. Калі гэтак робяць зь вельмі многімі і вядомымі ў краіне людзьмі, то якое беззаконьне тады адбываецца адносна сотняў і тысячаў звычайных грамадзян краіны! Гэта новая форма рэпрэсіяў, якая вельмі небясьпечная для ўсіх».

Глядзець камэнтары (3)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG