Афіша:
У менскіх школах і гімназіях — апошні званок.
У менскім «Палацы Мастацтваў» (вул. Казлова, 3) пройдзе Трэці беларускі фэстываль татуіроўкі «Tattoo Fest 2015». Фэст зьбярэ найлепшых тату-майстроў і прадстаўнікоў тату-студый Беларусі. Арганізатары фэстывалю гэтак хочуць павялічыць цікавасьць да мастацтва татуіроўкі як у майстроў, гэтак і прыхільнікаў тату-культуры, а таксама пазыцыянаваньне татуіроўкі, як значнай часткі беларускай гісторыі і мастацкай культуры ў сучасным кантэксьце. Фэст будзе праходзіць цягам 2 дзён ад 10 да 22 гадзіны.
У Менску пройдзе круглы стол «Украіна — terra incognita». Месца правядзеньня: BonHotel (вул. Прытыцкага, 18/2). Запрошаныя экспэрты з Украіны Тарас Кавальчук і Любоў Колдзіна. Пачатак а 18-й гадзіне.
На хутары Вайцюшкі ў Наваградзкім раёне Гарадзеншчыны адбудзецца паэтычна-музычны фэст «Салаўё». Удзельнічаюць: Ігар Бабкоў, Альгерд Бахарэвіч, Адам Глобус, Сяргей Харэўскі, Юлія Цімафеева і іншыя. Таксама адбудзецца канцэрт Зьмітра Вайцюшкевіча.
У музэі ў Дудутках пройдзе Дударскі фэст 2015. Ён распачнецца канфэрэнцыяй «Захаваньне дударскай традыцыі Прыбалтыйскага рэгіёну Эўропы», пазьней пройдзе канцэрт гуртоў Стары Ольса, Літы Талер, ПАВА ды іншых. Пачатак а 11 гадзіне.
У Менску пройдзе «Модны летнік». У праграме продаж адзеньня, упрыгожваньняў, лекцыя і майстар-кляс. Удзельнікі: беларускі брэнд HONAR, Tikota Unique ды іншых. Пачатак а 13-й гадзіне ў заводзе «Гарызонт» (вул. Куйбышава, д. 22, корп. 6, пам. 106).
Гэты дзень у гісторыі:
1814 — Напалеон быў сасланы на востраў Эльба.
1999 — адбылася трагічная цісканіна ў пераходзе станцыі мэтро «Няміга» у Менску, загінулі 53 чалавекі.
2001 — адкрылася для наведвальнікаў філія Літаратурнага музэю Янкі Купалы ў Яхімоўшчыне.
Гэты дзень у памяці:
1416 — памёр Гэранім Праскі, чэскі рэлігійны дзеяч, паплечнік Яна Гуса.
1431 — спаленая на вогнішчы Жанна д’Арк, нацыянальная гераіня Францыі і каталіцкая сьвятая.
1778 — памёр Вальтэр, францускі філёзаф.
1896 — нарадзіўся Канстанцін Саньнікаў, беларускі і савецкі рэжысэр, актор.
1927 — нарадзіўся Вітаўт Кіпель, беларуска-амэрыканскі грамадзкі дзяяч і публіцыст.
1930 — нарадзіўся Клінт Іствуд, амэрыканскі кінаактор і кінарэжысэр.
1942 — нарадзіўся Антанін Баяя, чэскі літаратар.
1946 — нарадзіўся Вальдэмар Калінін, цыганскі паэт, перакладчык.
1960 — Барыс Пастарнак, расейскі паэт і пісьменьнік, ляўрэат Нобэлеўскай прэміі ў літаратуры 1958 году.
Цытата:
«Вайна ператварае ў дзікіх зьвяроў людзей, народжаных, каб жыць братамі».
Вальтэр