Лінкі ўнівэрсальнага доступу

Турысты змогуць наведваць Горадню бязь візы


Горадня. Фота ©Shutterstock

Замежныя грамадзяне змогуць наведваць бязь візы турысцка-рэкрэацыйны парк «Аўгустоўскі канал» і прылеглыя да яго тэрыторыі. А гэта амаль што ўвесь Гарадзенскі раён і Горадня.

Пра гэта напісаў у фэйсбуку намесьнік міністра спорту і турызму Міхаіл Партной.

«Добрыя навіны. Аўгустоўскі канал і прылеглыя да яго тэрыторыі ўжо праз два месяцы замежныя турысты змогуць наведваць бяз візы. Старажытны горад Горадня таксама стане даступны для турыстаў у рамках падпісанага прэзыдэнтам указу № 318 „Аб усталяваньні бязьвізавага парадку ўезду і выезду замежных грамадзян“. На дадзены момант ідуць узгадненьні з зацікаўленымі ведамствамі і рыхтуецца пастанова Савету міністраў. Гэта чарговы крок на шляху да павелічэньня турыстычнага патоку ў нашу краіну», — адзначыў Партной.

Бязьвізавы ўезд тэрмінам да пяці сутак прадугледжаны для замежных грамадзян, якія перасякаюць мяжу з боку Польшчы праз пункты пропуску Лясная (Рудаўка) і Брузгі (Кузьніца Беластоцкая), з боку Літвы — праз пункты пропуску Прывалка (Швяндубрэ) і Прывалка (Райгардас).

Указ дзейнічае да 31 сьнежня 2017 году «з магчымасьцю падаўжэньня на нявызначаны тэрмін».

Глядзець камэнтары (1)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG