Прадстаўнікі Беларусі, у ліку якіх палітык Вячаслаў Сіўчык і літаратар Славамір Адамовіч, 27 лістапада разам з украінцамі ўшанавалі ва ўкраінскім Львове памяць слуцкіх паўстанцаў 1920 году, перадае Pravdatut.ua.
Яны правялі творчую сустрэчу з Адамовічам, ўсклалі кветкі на магілу ўдзельніка паўстаньня 1863 году Сымону Шыдлоўскаму, прайшлі шэсьцем ад плошчы Рынак да помніка Сьцяпану Бандэру.
Такія акцыі, кажа Сіўчык, адбываюцца ва Львове ад 2011 году і паказваюць, што беларусы разам з украінцамі, «бо ў нас адзіная небясьпека — гэта агрэсіўны сусед, які ваюе з Украінай і пастаянна пагражае Беларусі».
У Беларусі чарговую гадавіну Слуцкага збройнага чыну адзначалі 25 і 26 лістапада экскурсіямі і мітынгамі на Случчыне.
