Лінкі ўнівэрсальнага доступу

Ужо сёньня: дзень памяці Антона Луцкевіча


Антон Луцкевіч
Антон Луцкевіч

Падзеі 23 сакавіка ў беларускай і сусьветнай гісторыі, а таксама афіша на сёньня.

Афіша

Канцэрт гуртоў «Shaman Jungle» і «Triangle»

Беларускі гурт «Shaman Jungle» прадставіў у лютым свой новы альбом. Дыск «Amazing» прыдумалі і запісалі літаральна за пяць дзён на хутары каля Іслачы. А потым зьнялі ў Налібоцкай пушчы містычны кліп на беларускамоўную песьню-замову «Nagavor».

«Triangle» — гэта сольны праект Андрэя Апановіча. У музыцы «Triangle» няма вакалу, толькі гітара, сэмплер і пэдалі эфэктаў.

Менск, бар «Графіці» (зав. Калініна, 16).
Пачатак а 19-й гадзіне.
Квіткі каштуюць 6–10 рублёў.

Дата дня

23 сакавіка 1942 году памёр Антон Луцкевіч, беларускі палітычны дзяяч, публіцыст і навуковец. Антон Луцкевіч быў ініцыятарам абвяшчэньня незалежнасьці БНР, аўтарам Трэцяй устаўной граматы і прэмʼер-міністрам БНР.​

Таксама ў гэты дзень

1933 — Адольф Гітлер атрымаў дыктатарскія паўнамоцтвы ад Рэйхстагу Нямеччыны.

1991 — у Менску пачаўся II зьезд Беларускага Народнага Фронту «Адраджэньне».

2006 — удзельнікі намётавага лягера на Кастрычніцкай плошчы ў Менску пачалі зьбіраць подпісы за перавыбары. Лягер узьнік пасьля прэзыдэнцкіх выбараў 19 сакавіка 2006 году.

2007 — у Самалі быў зьбіты самалёт «Іл-76» беларускай авіякампаніі «Трансавіяэкспарт». На борце самалёта было 11 грамадзян Беларусі, усе яны загінулі.

У гэты дзень нарадзіліся

1865 — Уладзіслаў Сівы-Сівіцкі (Стары Ўлас), паэт, пісьменьнік, зьбіральнік беларускага фальклёру.

1906 — Ісак Любан, беларускі кампазытар, аўтар музыкі да песьні «Бывайце здаровы».

1948 — Генадзь Пашкоў, беларускі літаратар і перакладчык.

У памяці

1978 — памёр Рыгор Шырма, беларускі харавы дырыжор. У 1927–1936 гадах быў сакратаром Таварыства беларускай школы.

2016 — ад анкалёгіі памерла Ганна Вольская, прадусарка гурту «Крамбамбуля» і жонка Лявона Вольскага.

Ганна Вольская
Ганна Вольская

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG