Лінкі ўнівэрсальнага доступу

Сацыяльна-хрысьціянскі рух зробіць яшчэ адну спробу афіцыйна зарэгістравацца


Вольга Кавалькова

Пра гэта Свабодзе сказала лідэр руху Вольга Кавалькова:

«Нягледзячы на тое, што Вярхоўны суд Беларусі, куды мы скардзіліся, пакінуў у сіле рашэньне Міністэрства юстыцыі аб адмове ў рэгістрацыі, нашу дзейнасьць гэта ня спыніць. Мы яшчэ раз правядзем агульны сход і зноў будзем падаваць дакумэнты на рэгістрацыю».

Актывісты сацыяльна-хрысьціянскага руху двойчы (напрыканцы 2015 году і ўвесну сёлета) спрабавалі зарэгістравацца як дабрачыннае асьветніцкае грамадзкае абʼяднаньне. І абодва разы Мінʼюст — адзіная, згодна зь дзейным заканадаўствам, установа ў Беларусі, якая мае права прымаць такія рашэньні, — дазволу на рэгістрацыю не даваў.

Вольга Кавалькова падкрэсьліла, што рух працягвае дзейнасьць прынамсі ў трох кірунках: агітацыя за беларускамоўнае навучаньне дзетак у дзіцячых садках, паляпшэньне ўмоваў утрыманьня ў турмах і ізалятарах, дыскусія вакол пэнсійнай рэформы.

Актывісты сацыяльна-хрысьціянскага руху зьбіраюць подпісы грамадзян Беларусі, сустракаюцца з дэпутатамі і праводзяць агітацыйныя кампаніі.

XS
SM
MD
LG