Лінкі ўнівэрсальнага доступу

Regnum: У Маскве затрыманы шэф-рэдактар сайту, грамадзянін Беларусі Юры Баранчык


Юры Баранчык, шэф-рэдактар Regnum

Маскоўская паліцыя ўначы 15 сакавіка затрымала грамадзяніна Беларусі, шэф-рэдактара сайту Regnum Юрыя Баранчыка. Пра гэта паведамляе толькі сам Regnum, пацьверджаньня ў іншых крыніцах няма.

Сайт паведамляе, што Баранчык знаходзіцца ў Дарагамілаўскім РУУС. Але ў гэтым РУУС кажуць Свабодзе, што Юрыя Баранчыка ў іх няма, пра яго затрыманьне там ня ведаюць.

Regnum мяркуе, што затрыманьне адбылося на запыт беларускіх уладаў. Раней у Беларусі затрымлівалі трох аўтараў Regnum — Сьледчы камітэт заяўляў, што замоўцам артыкулаў, што распальвалі варожасьць, быў Баранчык. Пры гэтым старшыня Сьледчага камітэту запэўніваў, што «крымінальныя справы супраць аўтараў Regnum не зьвязаныя з палітыкай».

Апошняй на сёньня публікацыяй Баранчыка на Regnum ёсьць артыкул пад загалоўкам «Групоўка Макея пачала кампанію застрашэньня Лукашэнкі», дзе аўтар заяўляе, нібы міністар замежных справаў Беларусі гатовы заняць пасаду прэзыдэнта, а «прапагандысты Макея прапануюць Лукашэнку пайсьці шляхам Януковіча».

10 тэзаў расейскай прапаганды пра Беларусь

ВІДЭА: Што пішуць на расейскіх прапагандысцкіх сайтах пра Беларусь
пачакайце

No media source currently available

0:00 0:01:09 0:00

Ваша меркаваньне

Паказаць камэнтары

XS
SM
MD
LG