Разьвітаньне зь Віктарам Івашкевічам

Эдвард Зайкоўскі: «Віктар мне запомніўся як чалавек канкрэтных справаў і акцыяў».

Павел Знавец: «Ад нас сыходзіць адзін з волатаў Адраджэньня. Дзякуючы такім людзям, мы пераможам!».

Алег Грузьдзіловіч: «Добрым арганізатарам быў, маяком. Рэдакцыя газэты „Навіны БНФ“ была ў яго ў кватэры». Усё жыцьцё ён прысьвяціў таму, каб вольна мы маглі жыць у Беларусі. Я, як журналіст, любіў зьвяртацца да яго па камэнтар. Ён умеў бліскуча аналізаваць сытуацыю".

Аляксандр Дабравольскі: «Больш прынцыповага, шчырага, сумленнага чалавека цяжка знайсьці. Калі трэба было нешта рабіць, яго нішто не спыняла».

На іншым баку вуліцы ад будынка, дзе адбываецца разьвітаньне зь Віктарам Івашкевічам, стаіць мікроаўтобус зь міліцыянтамі.

Аляксандар Фядута: «Віктар быу душой і маторам праекту стварэньня сыстэмы распаўсюду незалежнай прэсы, калі газэты выкинули з „Саюздруку“. Ён разумеў кошт вольнага слова. Адзіны раз было сапраўднае назіраньне на рэфэрэндуме — у 1996 годзе. І арганізатарам, маторам быў Віктар»

Павал Жук узгадау рабочыя хваляваньні, стварэньне незалежных прафсаюзаў

На вуліцы каля сотні людзей. Узьнялі бел-чырвона-белы сьцяг

У залі прысутныя сьпяваюць «Пагоню», «Тры дарожанькі», іншыя песьні «Майстроўні»

Грае дуда. Труну выносяць праз жывы калідор. Сабраліся каля 200 чалавек

Віктара Івашкевіча праводзяць пад «Магутны Божа» (ВІДЭА)

Дадалася фогалерэя з пахаваньня Віктара Івашкевіча. Глядзіце ТУТ >>