З прыведзеных лічбаў вынікае, што Беларускае Радыё Рацыя атрымае 120 000 злотых. У 2016 г. радыё атрымала 200 000 злотых. Сродкі Міністэрства ўнутраных справаў Польшчы, сярод іншага, прызначаліся на перадачы«Падляскі канцэрт пажаданьняў», «З Падляшша родам» ды «Крыначка».
«На працягу чатырох гадоў на 60% зьменшылася фінансаваньне беларускіх перадачаў, падляскіх перадачаў на Радыё Рацыя, перадачаў для беларускай меншасьці. З 2013 перасталі выходзіць чатыры перадачы: „Народная аптэка“, „Беларуская маладзёвая“, „Культурнае бязьмежжа“. Што будзе ў 2017 годзе, цяжка сказаць, але гэтых сродкаў нашмат менш,» — сказаў праграмны дырэктар Радыё Рацыя Юры Ляшчынскі.
