Арганізатары канцэрта Brutto ў Гомелі абвясьцілі для беларускіх фанатаў розыгрыш meet&greet зь Сяргеем Міхалком і музыкамі калектыву.
Фанатам прапануецца запісаць відэа працягласьцю да 1 хвіліны і распавесьці, чаму яны любяць Brutto і едуць на канцэрт у Гомелі, а пасьля выкласьці ў свае сацсеткі з хэштегам #фанатBRUTTO #BRUTTOвГомеле.
Пяць пераможцаў будуць абраныя Сяргеем Міхалком і арганізатарамі 27 кастрычніка. Пераможцы змогуць сфатаграфавацца на памяць з групай Brutto, пагутарыць зь Сяргеем Міхалком, атрымаюць памятныя падарункі.
Сяргей Міхалок ня раз прызнаваўся, што канцэрт у Беларусі для іх вельмі важны, бо ён не выступаў на радзіме ўжо 5 гадоў.
Выступ Brutto адбудзецца 29 кастрычніка ў гомельскім Лядовым палацы спорту.